काठमाडौं माघ २७ गते ।
पश्चिमी क्षेत्रको मौसम मंगलबार आंशिक बदली रही मध्य र पूर्वमा भने सामान्यतया सफा रहने जल तथा मौसम पूर्वानुमान महाशाखाले जनाएको छ । अहिले नेपालमा कुनै उल्लेखनीय मौसमी प्रणाली छैन, तर स्थानीय वायुको प्रभावका कारण केही क्षेत्रमा आंशिक बदली हुने देखिएको हो । हाल सुदूरपश्चिम र कर्णाली प्रदेशका पहाडी भू–भागमा आंशिक बदली रही बाँकी स्थानमा मौसम सामान्यतया सफा छ ।
मंगलबार दिउँसो सुदूरपश्चिम, कर्णाली प्रदेश, लुम्बिनी प्रदेश र गण्डकी प्रदेशमा आंशिक बदली रही अरु स्थानमा मौसम सामान्यतया सफा हुने मौसमविदले बताएका छन् । यस्तै राति सुदूरपश्चिम, कर्णाली प्रदेश, लुम्बिनी प्रदेश र गण्डकी प्रदेशमा आंशिकदेखि सामान्य बदली रही बाँकी स्थानमा मौसम सामान्यतया सफा रहनेछ ।
पश्चिमी उच्च पहाडी तथा हिमाली भू–भागमा हल्का हिमपातको सम्भावना छ । यसैबिच चिसो अझै रहिरहने तथा तराईका भू–भागमा हुस्सु–कुहिरोको अझै सम्भावना रहेकोले आवश्यक सतर्कता अपनाउन मौसमविदले आग्रह गरेका छन् ।
Discussion about this post