लेवान्डोस्कीको कीर्तिमानी गोलमा बार्यन म्युनिख विजयी

सम्बन्धित समाचार

काठमाडौं चैत १ गते ।
रोबर्ट लेवान्डोस्कीले जर्मन बुण्डेस लिगा फुटबलमा सर्वाधिक गोलकर्ताको सूचिमा दोस्रो स्थानको कीर्तिमानमा बराबरी गरेका छन् । लिग अन्तर्गत शनिबार राति भएको खेलमा लेवान्डोस्कीसहितको गोलमा बार्यन म्युनिखले वेर्डर ब्रेमेनलाई बार्यन म्युनिखले ३–१ ले पराजित गरेको हो ।

बार्यनको जितमा गोरेट्ज्काले २२ औँ, ग्नाब्रीले ३५ औँ तथा लेवान्डोस्कीले ६७ औँ मिनेटमा गोल गरेका हुन् । ब्रेमेनका लागि ८५ औँ मिनेटमा फुल्क्रुगले एक गोल फर्काएका हुन् । लेवान्डोस्कीले लिगमा यो सिजन ३२ गोल गरिसकेका छन् ।

बुण्डेस लिगामा लेवान्डोस्कीले २६८ गोल गरेका छन् । उनले दोस्रो स्थानमा रहेका क्लाउस फिस्चरसँगको कीर्तिमानमा बराबरी गरेका हुन् । बुण्डेस लिगामा सर्वकालिन सर्वाधिक गोल गर्ने खेलाडी गेर्ड मुलरले ३६५ गोल गरेका छन् ।