बाँके वैशाख २९ गते ।
नेपालगन्ज उपमहानगरपालिका स्थित एकलैनिक बजारले बर्षौ पछि पुर्णता पाएको छ। बाँके जिल्लाकै पुरानो ऎतिहासिक बजार भनेर एकलैनी बजारलाई चिनिन्छ ।
यहाँ तत्कालिन मध्य र सुदूरपश्चिमका पहाडी जिल्लाबाट किनमेल गर्न आउनेको अहिलेपनि लर्को लाग्ने गरेको नेपालगञ्ज उपमहानगरपालिका वडा नम्बर ३ का अध्यक्ष अय्युब सिद्दिकीले बताउनुभयो ।
उहाँले एकलैनी बजार सबैभन्दा पुरानो बजार भएता पनि सडक बिस्तार नभएका कारण पहिले पहिले एकदमै साघुरो अनि अव्यवस्थित देखिने गरेको थियो । तर जनप्रतिनिधि आइसकेपछि भने यसको रुपै फेरिएको छ। यहाँ सडक तथा नाला निर्माण भएको छ ।
सडक बिस्तारको विषयलाई लिएर केही रैथानेले अदालतमा मुद्दा समेत हालेको र आफुले मुद्दा खेप्दै भएपनि एकलैनी बजारलाई व्यवस्थित बजार बनाउन दिनरात लागि परेको उहाँको भनाइ छ ।
अहिले बजारमा सात मिटरको पिच बाटो र सडकका प्रत्येक पोलमा बत्ती राखि एकलैनी बजारलाई सुन्दरिकरण गराउन सफल भएको उहाँ बताउँनुहुन्छ । आफुले काम गर्ने क्रममा मुद्दा मामिला खेप्दै भएपनि बिकास निर्माणको काम नरोकेको अध्यक्ष सिद्दिकीले बताउनुभयो ।
तर कोभिड महामारीका कारण भने जति विकास निर्माणका काम हुन नपाएको उहाँले बताउनुभयो ।
भिडियो सहित
Discussion about this post