स्रोत नखुलेको साढे दुईलाख सहित एकजना पक्राउ

सम्बन्धित समाचार

वसिम अन्सारी
बाँके असार ३१ गते ।
नेपालगन्जको जमुनाह नाकाबाट एकजना युवक स्रोत नखुलेको रकमसहित पक्राउ परेका छन् । सशस्त्र प्रहरी बल नेपाल नम्बर ३० गण हेटक्वाटर बाँकेको टोलीले रविन्द्र पाठकलाई स्रोत नखुलेको २ लाख ५० हजार रुपैँयासहित पक्राउ गरेको हो ।

नेपालगन्ज उपमहानगरपालिका १६ चौलिका चोकमा भारतबाट नेपाल आउँदै गरेका पाठकलाई खानतलासी गर्दा कम्मरमा लुकाइ राखेको अवस्थामा २ लाख ५० हजार रुपैँया बरामद भएको हो । एक हजारको सय र ५ सयका ३ सय थान रुपैँया बरामद भएको हो ।

बरामद गरिएको रकमसहित मानिसलाई नेपालगन्ज भन्सार कार्यालयमा बुझाइएको छ । सशस्त्र प्रहरी सहायक निरीक्षण तिर्थबहादुर भाट क्षेत्रीको कमाण्डमा रहेको टोलीले आवश्यक चेकजाँच गर्नेक्रममा पाठकबाट सो रकम बरामद भएको सशस्त्र प्रहरी बल नम्बर ३० गण बागेश्वरी बाँकेको उपरीक्षक अशोककुमार बमले जानकारी दिनुभयो ।