बाँके साउन २१ गते ।
हात्तीकाेे दाँत सहित बाँकेकमा तीन जना पक्राउ परेका छन् ।
प्रहरीले बाँकेकाे बैजनाथ गाउँपालिका वडा नं- ६ सम्झनाबाट काराेबार हुँदै गर्दा हात्तीको दाँतसहित तीन जनालाई पक्राउ गरेकाे हाे ।
बिहीबार बाँके वैजनाथ गा.पा.वडा नं.६ सम्झना चोकस्थित अवैध वन्यजन्तुको अंगको खरिद विक्री भईरहेको भन्ने सूचनाको आधारमा खटिएको विशेष प्रहरी टोलीले बिहान १२ बजे उनीहरूलाई पक्राउ गरेकाे बाँके प्रहरीले जनाएको छ ।
उक्त स्थानमा संकास्पद हिडिरहेका दाङकाे बबई गाउँपालिका वडा नं.५ वस्ने ५० वर्षीय दल बहादुर सुनार, बर्दियाकाे बाँसगढी नगरपालिका वडा नं.३ वस्ने ८५ वर्षीय टिकाराम सुनार र साेही ठाउँ वस्ने ४८ वर्षीय धन बहादुर सुनारलाई पक्राउ गरेकाे छ ।
चेकजाँच गर्ने क्रममा दल बहादुर सुनारले बोकेको कालो रंगको झोलाभित्र सेतो प्लाष्टिकले बेरी राखेको हात्तीको जस्तो देखिने दाँत २ वटा फेला पारी बरामद गरी सम्बन्धमा अनुसन्धान भईरहेको बाँकेका प्रहरी प्रवक्ता एवं प्रहरी नायब उपरीक्षक मधुसूदन न्याैपानेले जानकारी दिनुभयाे ।
उहाका अनुसार शुक्रबार वन कार्यालयलाई बुझाईनेछ ।
Discussion about this post