ब्राउन सुगरसहित दुई जना पक्राउ

बाँके साउन २३ गते ।
लागु औषधसहित बाँके प्रहरीले २ जनालाई पक्राउ गरेको छ । नेपालगन्ज-१५ जमुनाह नाकामा चेकजाँचका क्रममा नेपालगन्ज ११ का २८ बर्षका किरण सुनार र ३४ बर्षका सरोज थारु ५ ग्राम ब्राउनसुगर सहित पक्राउ परेको बाँकेका प्रहरी प्रवक्ता एवं प्रहरी नायब उपरीक्षक मधुसूदन न्याैपानेले जानकारी दिनुभयाे ।

किरणले लगाएको दाहिने चप्पलमा प्वाल पारि लुकाएर नेपाल ल्याउन लागेको अबस्थामा ब्राउन सुगर फेला परेको हो ।

जमुनाह प्रहरी इन्चार्ज पुर्ण बहादुर खत्रीका अनुसार उनिहरुले प्रयोग गरेको भे ८ प ७४३१ नम्बरको एन एस पल्सर मोटरसाइकल समेत बरामद गरेको छ ।

जमुनाह प्रहरी र ब्यूरोको प्रहरी नायब निरीक्षक प्रेम बहादुर अधिकारीको टोलिले लागु औषधसहित उनिहरुलाई पक्राउ गर्न सफल भएको हो ।