सुर्खेत भदौ ४ गते ।
कर्णाली प्रदेश सरकारले दिएको ब्याजमा अनुदान कार्यक्रम प्रभावहीन देखिएको छ । गएको वर्ष ७ करोड बजेट विनियोजना गरेर सुरु भएको ब्याजमा अनुदान कार्यक्रम एक करोड पनि खर्च हुन नसकेको हो ।
चालू आर्थिक वर्ष २०७६÷७७ मा कार्यान्वयन गर्नेगरी बैंकहरुसँग सम्झौता गर्दै सुरु गरेको ब्याजमा अनुदान कार्यक्रम प्रभावकारी देखिएको छैन ।
किसानको व्याज तिरिदिनेगरी ७ करोड विनियोजन गरिएकोमा कार्यान्वयन हुने अवस्था नदेखिएपछि ५ करोड रकमान्तरण गरिएको र बाँकी २ करोड कार्यक्रम कार्यान्वयनका लागि यथावत राखिएको थियो । तर त्यसमा पनि ९४ लाखमात्रै खर्च भएको कृषि मन्त्रालयका ब्याज अनृुदान कार्यक्रमका फोकल पर्सन नमराज शर्माले जानकारी दिनुभयो ।
उहाँका अनसार बैंक तथा सहकारीबाट गरी एक वर्षमा २ सय ३४ जना किसानले सेवा लिएका छन् । कर्णालीका १० जिल्ला मध्ये सुर्खेतबाहेक ९ जिल्लाका कुनैपनि किसानले ब्याज अनुदान पाउन सकेनन् ।
हालसम्म बाख्रा, भैसी, कुखुरा, बंगुर, माछा तथा तरकारी व्यवसायका लागि किसानहरुले ब्याजमा सहुलियत ऋण लिएका छन् । १ करोडसम्म लिएको ऋणको सेवा शुल्कसहित ८ प्रतिशत सम्म ब्याज सरकारले तिरिदिएको छ ।
Discussion about this post