बाँके–बर्दियामा ओलिको सम्वोधन, एकढिक्का बनेर अघि बढ्न जोड

बाँके असोज ६ गते ।
नेकपा एमालेका अध्यक्ष केपी शर्मा ओलीले आज बाँके र बर्दियामा आयोजित पार्टीले आयोजना गरेको जिल्ला स्तरीय कार्यकर्ता भेलालाई सम्वोधन गर्नुभएको छ ।

दुवै भेलालाई सम्वोधन गर्नेक्रममा अध्यक्ष ओलिले पार्टीलाई एक ढिक्का बनाएर लैजान स्थानीय नेता तथा कार्यकर्ताहरुलाई निर्देशन दिनुभएको छ ।

उहाँले अहिलेको सरकारलाई विकास विरोधी मोर्चाको संज्ञा दिनुभएको छ । अध्यक्ष ओलिले आफ्नो नेतृत्वको सरकारले तीब्र गतिमा गरिरहेको विकासलाई देख्न नसकेर मोर्चाबन्दी बनेर सरकार ढालेको टिप्पणी गर्नुभयो ।

उहाँले शिक्षा, स्वास्थ्यका क्षेत्रमा आफ्नो नेतृत्वको सरकारले महत्वपूर्ण काम गरेको दावी गर्नुभयो । माधव नेपालप्रति इंगित गर्दै उहाँले एमालेभित्र रहेका केही हरिया सागहरुले पार्टी सक्काउन खोजेको आरोप पनि लगाउनुभयो ।