बाँकेको नौवस्था कारागारको काम अपुरै

बाँके पुस ७ गते ।
बाँकेको बैजनाथ गाउँपालिकास्थित नौवस्थामा निर्माण थालिएको क्षेत्रीय कारागारले अझै पूर्णता पाउन सकेको छैन् ।

३६ महिनाभित्रमा निर्माण सम्पन्न गर्ने सम्झौता भएपनि पाँच वर्ष वितिसक्दा समेत क्षेत्रीय कारागारले पूर्णता नपाएको हो । कारागार निर्माणका लागि भ्याट बाहेक ५३ करोडको लागत अनुमान गरिएको छ ।

अनुमानभन्दा झन्डै साढे १४ करोड कममा पप्पु रसुवा जेभीले ठेक्का पाएको थियो । सम्झौताअनुसार ३६ महिनामा काम गर्न नसकेपछि पप्पुसँगको सम्झौता तोडेर अहिले रसुवा जेभीले एक्लै कारागार निर्माणको काम गरिरहेको छ ।

वाहिरको कम्पाउण्ड, भवनलगायतको काम अझै बाँकी रहेको संघीय आयोजना इकाई कार्यालय नेपालगन्जका इन्जिनियर सुदिप झाले बताउनुभयो ।सम्झौता अनुसार रसुवा जेभीले आगामी चैतसम्म कारागार निर्माणको काम सकिसक्नु पर्नेछ ।