नेपालगन्ज १८ द्धारा विकास निर्माणका कार्यलाई तीब्रता

सम्बन्धित समाचार

बाँके माघ ९ गते ।
नेपालगन्ज उपमहानगरपालिका वडा नम्वर १८ ले विकास निर्माणका कार्यलाई तीब्रता दिएको छ । वडाअध्यक्ष दीपक कुमार वर्माका अनुसार, पछिल्लो पटक प्रहरी तालिम केन्द्रदेखि पश्चिम सगरमाथा वोर्डिङ स्कुल हुँदै कारकाँदो गाउँसम्मको सडक कालोपत्रेका लागि रेखांकन सुरु गरिएको छ ।

त्यस्तै दीपनगर हुँदै मावि लग्दहवाको पछाडिको टोलदेखि कारकाँदो गाउँसम्म जोड्ने सडक कालोपत्रेको काम पनि सुरु भएको छ । यो सबै सडक कालोपत्रे गर्न तीन करोड रुपैयाँको बजेट लागत अनुमान गरिएको छ ।

त्यसको टेण्डर प्रक्रिया अघि बढिसकेको छ । त्यसलगत्तै कालोपत्रेको काम सुभारम्भ हुने छ । यसअघि पनि अन्य टोलका सडक कालोपत्रे गर्ने कार्य तीब्र गतिमा भइरहेको वडाअध्यक्ष वर्माले बताउनुभयो ।