बाँके माघ १९ गते ।
बाँकेमा जनमत पार्टीका कार्यकर्ताहरुले प्रदर्शन गरेका छ्न । किसान आन्दोलनलाई देश ब्यापी बनाएको जनमत पार्टीले आज नेपालगन्ज २१ बिर्तामा प्रदर्शन गरेको हो ।
सप्तरीबाट सुरु भएको जनमत पार्टीको आन्दोलन देश ब्यापी बनिसकेको छ । सिके राउत नेतृत्वको जनमत पार्टी बाँकेका उपाध्यक्ष जाबिर हल्वाईले किसानको माग सम्बोधन नभएसम्म आन्दोलन नरोकिने बताउनुभयो ।
जनमत पार्टी गरिब किसानहरुको पार्टी भएकाले उनीहरुको पक्षमा निरन्तर आन्दोलन गरिने उहाँको भनाइ छ । यस्तै जनमत पार्टी बाँकेका संस्थापक अध्यक्ष रियाज अहमद शेषले पनि किसानको माग सम्बोधन नभएसम्म आन्दोलन जारी रहने चेतावनी दिनुभयो ।
जनमत पार्टीका कार्यकर्ताहरुले नाराबाजी गर्दै सरकारबिरोधि प्रदर्शन गर्न थालेपछि प्रहरीले हस्तक्षेप गरेको थियो ।
वडा प्रहरी कार्यालयबाट प्रहरी निरीक्षक डिल्ली बहादुर खडका र जिल्ला प्रहरी कार्यालयबाट खटाइएको प्रहरी नायव निरीक्षक सन्तोष बुढा थोकीको कमान्डमा खटिएको टोलीले आन्दोलनलाई तितरबितर पारेको थियो ।
Discussion about this post