काठमाडौं जेठ ३० गते ।
काठमाडौंको काँडाघारीमा युवकले आफ्नो घाँटी रेटेर आत्महत्या गर्ने प्रयास गरेका छन् ।
ओखलढुंगाको चम्पादेवी नगरपालिका–४ घर भई काँडाघारीस्थित ढुंगेधारामा बस्ने २८ वर्षीय गणेश कार्कीले चक्कुले घाँटी काट्ने प्रयास गरेका हुन् ।
दम्पतीको बीचमा मनमुटाव हुँदा कार्कीले आत्महत्या प्रयास गरेको जिल्ला प्रहरी परिसर काठमाडौंका एसपी दिनेशराज मैनालीले जानकारी दिएका छन । कार्कीको उद्दार गरेर प्रहरीले अस्पताल पठाएको छ । चक्कुले काटेर उनको घाँटीको अगाडीको भागमा चोट लागेको छ ।
पति पत्नीको बीचको मनमुटाव धेरै पटक प्रहरीसम्म पुगेको र उनीहरुलाई प्रहरीले पटक–पटक सम्झाउने गरेको बताइएको छ । ३ दिनदेखि घर नगएका गणेशले आइतबार राति आफू बस्ने १ तले टहरोमा आत्महत्या प्रयास गरेको प्रहरीले जनाएको छ ।
यस घटना सम्बन्धमा थप अनुसन्धान भइरहेको एसपी मैनालीले बताए ।
ADVERTISEMENT
Discussion about this post