प्रहरीद्धारा दुई जना फरार प्रतिवादीलाई पक्राउ

बाँके असार ८ गते ।
बाँके प्रहरीले दुई जना फरार प्रतिवादीलाई पक्राउ गरेको छ । गाली बेज्जती मुद्दा र कुटपिट मुद्दाका फरार प्रतिवादीलाई प्रहरीले पक्राउ गरेको हो ।

पक्राउ पर्नेमा गाली बेज्जती मुद्दाका फरार प्रतिवादी नेपालगन्ज उपमहानगरपालिका २० बस्ने ५२ वर्षीय बलिराम कुर्मी र कुटपिट मुद्दाका फरार प्रतिवादी २२ वर्षीय शिवा कुर्मी वर्मा रहेका छन् ।

बलिरामलाई गाली बेज्जती मुद्दामा गत बैशाख १३ गते जिल्ला अदालतले दोषी ठहर गर्दै ६ महिनाको कैद फैसला सुनाएको थियो । त्यसपछि उनी फरार थिए । उनलाई घरैबाट पक्राउ गरिएको बाँके प्रहरीले जनाएको छ ।

यस्तै शिवालाई कुटपिट मुद्दामा जिल्ला अदालतले तीन महिनाको कैद फैसला सुनाएको थियो । पक्राउ परेका दुवै जनालाई आज जिल्ला अदालतमा बुझाइएको प्रहरीले जनाएको छ ।