असोज २४ गते । सिन्धुपाल्चोकको भोटसिपामा आज बिहान बस दुर्घटना हुँदा कम्तीमा ५ जनाको निधन भएको छ। जिल्ला प्रहरी कार्यालय सिन्धुपाल्चोकका अनुसार यसरी मृत्यु हुने १ महिला र ४ पुरूष रहेका छन्।
उनीहरूको पहिचान हुन बाँकी रहेको छ।
बा २ ख २७१५ नम्बरको बस आज शुक्रबार बिहान करिब १० बजेतीर इन्द्रावती गाउँपालिका-१०को भोटसिपा स्थित बडहरे चोकमा दुर्घटनामा परेको हो।
इन्द्रावती गाउँपालिका-९ सिपाटारबाट काठमाडौं आउँदै गरेको बस सडकबाट २ सय मिटर तल खसेको थियो।
बसमा ४५ देखि ५० जना यात्रु सवार रहेको प्रहरीले प्रारम्भिक अनुमान गरेको छ। प्रहरीले घाइतेहरू सबैलाई उद्धार गरेर अस्पताल ल्याउँदै गरिएकाले घाइतेको संख्या एकिन भइनसकेको जनाएको छ।
ADVERTISEMENT
Discussion about this post