बसपार्क ट्राफिकमा हवलदार र जवानको असुली धन्दा

बाँके चैत १० गते ।
नेपालगन्ज वसपार्कस्थित ट्राफिक प्रहरीले चेकिङको नाममा असुली धन्दा मच्चाएको छ । चेकिङका नाममा टिपर र ट्याक्टर चालकहरुबाट असुली धन्दा मच्चाउने काम भइरहेको गुनासो आएको छ ।

राती र दिउँसोको समयमामा अनावश्यक चेकजाँच गरेर असुली धन्दा मच्चाइरहेको पाइएको छ । हवलदार सुजन शाह र जवान यज्ञवीर खत्रीले चेकिङको नाममा दुख दिने पैसा अशुल्ने गरेको चालकहरु बताउँछन् ।

उनीहरुको असुली धन्दा देखेर सर्वसाधरण समेत हैरान छन् । रातीको समयमा मापसे नाममा समेत उनीहरुले असुली गरिरहेको चालकहरुको भनाई छ । त्यसमा नेपाल प्रहरीले समेत सघाउने गरेको चालकहरु बताउँछन् । बेला न कुबेलाको अनावश्यक चेकजाँचका कारण सास्ती खेप्नु परेको उनीहरु बताउँछन् ।

उनीहरुले इट्टाभट्टाबाट समेत असुल्ने गरेको खुलेको छ । हालैमात्र ट्राफिक प्रमुखमा तिलक सुनार आएका छन् । उनले असुली धन्दा गर्ने मातहतलाई कारवाही गर्ने चेतावनी दिइसकेका छन् । तर बसपार्क पोष्टको असुलीधन्दा बारे प्रमुख भने बेखवर बनेका छन् ।