नेपालगञ्जबाट अबैध भन्सार छलिको सामानसहित बोलेरो गाडी बरामद

बाँके साउन २७ गते
भारतबाट भन्सार छलिको अवैध सामान बाँके प्रहरीले बरामद गरेको छ ।

जिल्ला प्रहरी कार्यालयबाट खाटिएको प्रहरी टोलिले नेपालगञ्ज उपमहानगरपालिका–१ धम्बोझीस्थित भारतबाट चोरी पैठारी गरी ल्याइएको जुत्ता, चप्पल र बोलेरो पिकअप गाडीसहित सामान बरामद गरेको हो ।

प्रहरीले चेकजाँच गर्ने क्रममा जिल्ला दाङ तुलसीपुर उपमहानगरपालिका-९ बस्ने २४ वर्षीया चालक कमल बिकले चलाएको रा.१ ज. ३८१ नम्बरको बोलेरो पिकअप गाडिमा लोड भएको दाङ तर्फ लैजादै गरेको अबस्थामा अबैध भन्सार छलिको सामान बरामद भएको डिएसपी नारायण डांगीले जानकारी दिनुभयो ।

जुत्ता, चप्पल र बोलेरो पिकअप गाडीसहित करिब ९ लाख २२ हजार २ सय ५० रुपैया बराबरको अवैध सामान बरामद भएको डिएसपी डांगीले बताउनुभयो ।
उक्त सामान, सवारी चालक र गाडीसहित नेपालगञ्ज भन्सार कार्यालयमा पठाईएको पनि प्रहरीले जनाएको छ ।