गुल्मी कात्तिक ११ गते । देउसीभैलो टोली सवार ट्याक्टर गुल्मीको इस्मा गाउँपालिका – ६ मा दुर्घटना हुँदा १५ जना घाइते भएका छन् । घाइतेमध्ये ४ जनाको अवस्था गम्भीर छ । बुल्मबाट चौरासीतर्फ जाँदै गरेको लु ३ त ४०२ नम्बर ट्याक्टर दुर्घटना भएको जिल्ला प्रहरी कार्यालय गुल्मीका प्रहरी उपरीक्षक एसपी राजेन्द्रसिंह खड्काले बताउनुभयो छ ।
गम्भीर घाइते इस्मा गाउँपालिका – ६ बुल्म घर भएकाहरु ४० वर्षीय भुपेन्द्र कुमाल, २३ वर्षीय पदम कुँवर, १२ वर्षीय शेरे कुमाल र २९ वर्षीय प्रेम कुमाललाई उपचारका लागि पाल्पा पठाइएको प्रहरीले जनाएको छ । अन्य घाइतेहरुको गुल्मी अस्पतालमा उपचार भइरहेको छ । गुल्मीमा उपचाररत घाइतेहरुको अवस्था सामान्य छ ।
दुर्घटनापछि ट्याक्टर चालक फरार रहेको र उनको खोजी भइरहेको प्रहरीले जनाएको छ ।
ADVERTISEMENT
Discussion about this post