बाँके पुस ९ गते । आगामी पुष २४ गते बाट माघ ५ गते सम्म कोहलपुरमा हुन लागेको तेस्रो प्रादेर्शिक औद्योगिक लघु घरेलु कृषि तथा प्रविधि प्रदर्शनी व्यपार एवम पर्यटन महोत्सवमा यस बर्ष थारु गाउँ निकै एतिहाँसीक र रोचक हुने देखिएको छ । थारु समुदायको नयाँ बर्षको रुपमा लिइने माघी पर्वको अवसरमा राख्न लागिएको महोत्सव भित्र हुने थारु गाउँ प्रदर्शनीमा करिव ५० हजार दर्शकहरुले अवलोकन गर्ने गरिएको छ । थारुगाउँ प्रदर्शनीका संयोजक हेमन्त चौधरीले आदिवासी थारु समुदायको इतिहास, कला संस्कृति र पहिचान झल्कने पुरातात्वीक बस्तुहरु महोत्सवमा थारु गाउँ प्रदर्शनी राख्न लागिएको जानकारी गराउनुभयो । संयोजक चौधरीका अनुसार थारु गाउँ प्रदर्शनीमा हामीले लोभ हुँदै गएको थारुजातीको पुरातात्विक पहिचान बोकेको, लडिया, कोल, चकिया, ढेकी, ढकिया, देलवा, हेल्का, टापी, देलिया, धरिया, हर, जुवा, गैजा, छिट्वा, छिट्नी, अटुवा, डोली, चन्दोल, मन्दरा, कस्तारा, मजिरा, पौवा, भौका, थारु गर गहना, लगायत प्रदर्शनीमा राखिने उल्लेख गर्नुभयो । थारु गाउँ प्रदर्शनीमा थारु परिकार घोगंघी, सिन्की, ढिकरी, गंगटा, मुसाको चटनी, लोकल भाले, लगायत परिकार सहितको १५ वटा स्टल राखिने छ , भने चर्चित थारु कलाकारहरुको बेजोड प्रस्तुती समेत रहने संयोजक चौधरीले जानकारी गराउनुभयो । थारुगाउँ प्रदर्शनीमा थारु क्षेत्रमा योगदान पुर्याएका कलाकारहरुलाई सम्मान गर्ने कार्यक्रम समेत रहेको आयोजक टिमले जानकारी गराएको छ ।
Discussion about this post