खोजखबर संवाददाता बाँके पुस १२ गते । नेपालगन्ज उपमहानगरपालिका वडा नं. ३ का स्थानियवासी वडाको कार्यप्रति असन्तुष्ट प्रकट जनाएका छन् ।
वडाले विकासका लागि कार्य गर्दै आएको जानकारी गराए पनि वडावासीले सो कार्यबाट पिडित भएको जनाएका छन् । वडाको भवन निर्माण र खेलमैदान बनाउनको लागि वडाले पोखरीमा माटो पटान गरेपछि स्थानियको घरमा फोहर पानी पसेपछि स्थानियवासी वडाको कामले असन्तुष्ट भएको जनाएका छन् ।
विकास निर्माणको काम गर्दा वडाले ध्यानै नपुर्याई कार्य गरेको हुनाले हामीहरु दुख पाईरहेको वडावासीहरुको भनाई छ । वडाको लापरवाहीले स्थानिय साह्रै दुख पाएको वडावासी स्थानिय माया कनोजियाले जानकारी गराउनुभयो ।
करिव १५÷२० दिनदेखि घरमा फोहर पानी पसेको छ, खाना खान मन लाग्दैन स्थानिय माया कनोजियाले भन्नुभयो । वडामा गुनासो गर्दा नेपालगन्ज उपमहानगरपालिका पठाउने गरेको उहाँले भन्नुभयो । घरभरी फोहर पानी छ, सुत्ने वातावरण नै छैन उहाँले भन्नुभयो ।
खेलमैदान बनाउन र वडा कार्यालयको कार्यालय बनाउनमा कुनै आपत्ती नभएको स्थानिय बाबु अन्सारीले भन्नुभयो । घरभरी पानी छ, चर्पीको पानी त्यसैमा मिसिएर घरभित्र पसेको छ, चर्पी जान र सुत्न पनि अरुको घरमा धाउनुपर्ने बाध्यता रहेको स्थानिय बाबु अन्सारीले भन्नुभयो ।
पानी निकास गरेर मात्र माटो पटान गर्नुपर्ने स्थानियको माग छ ।
अझैपनि केही विग्रेको छैन स्थानियवासी अन्सारीले भन्नुभयो । पानी निकास गरेर माटो पटान गरेको भए स्थानियले दुख पाउने थिएनन् उहाँले भन्नुभयो ।
वडामा गुनासो पोख्न जाँदा उल्टै वडा अध्यक्षले धम्की पुर्ण व्यवहारले धम्काउने गरेको स्थानियको आरोप छ ।
पटान गर्नुभन्दा पहिले निकासको बिकल्प वडाले खोज्नुपर्ने स्थानिय कालिप्रसाद पठानले भन्नुभयो ।
घरमा पानी पसेपछि घर नै ढल्न लागेको स्थानियको भनाई छ ।
घर ढल्न लाग्दा पनि वडाले मेरो सुनवाई गरेन अहिले स्कुलमा सुत्दै आएको छु स्थानिय एक नागरिकले भन्नुभयो ।
घरपरिवार नै कोही कता कोही कता सुतिरहेका छौं वडाको लापरवाहीले घरवारविहीन बनाएको उहाँले दुखेसो पोख्नुभयो । वडाले माटो पटान सुरु गरेदेखि घर छाडेर घरभाडामा बस्दै आएको स्थानियवासीहरुले बताएका छन् ।
यस्तै वडा नं. ३ का वडा अध्यक्ष अयुव सिद्दिकीले कुनै पनि इन्जिनियरले खाल्डोमा नाला नबनाउने भएको हुनाले पहिले नै नाला नबनाई माटो पटान गरिने गरेको उहाँले बताउनुभयो । वडाको विकासका लागि कार्य भैरहेको छ तर पनि स्थानिय दुख हुन्छन भने हाम्रो भन्नु केही छैन उहाँले भन्नुभयो । वडावासीको लागि वडाले गर्ने सहयोग गर्दै आएको उहाँले बताउनुभयो । वडा कै लागि गर्दै आएको कार्यप्रति स्थानिय आक्रोशित नहुनुपर्ने उहाँले बताउनुभयो ।
वडा कार्यालय र खेल मैदान बनाउनु भन्दा पहिले माटो पटान गरि चारैतिर नाला बनाउने ठेक्का भएको उहाँले बताउनुभयो ।
यस्तै वडावासीले भने वडाले गरिरहेको लापरवाहीका कारण शनिवार टिप्पर रोकेका थिए । जवसम्म वडाले फोहर पानी निकास नगरेसम्मा काम ठप्प गरिने स्थानियहरुले जानकारी गराएका छन् ।
Discussion about this post