• 16
  •  
  •  
  •  
  •  
  •  
    16
    Shares

सुर्खेत असोज २७ गते ।
कोरोना संक्रमण अघि प्रादेशिक अस्पताल सुर्खेत र कर्णाली स्वास्थ्य विज्ञान प्रतिष्ठान जुम्लामा गरी १७ वटा आईसीयू र ६ वटा भेन्टिलेटर थिए । तर अहिले जडानको क्रममा रहेको डोल्पा बाहेक प्रादेशिक अस्पतालमा २५ आईसीयू र १० भेन्टिलेटर, कर्णाली स्वास्थ्य विज्ञान प्रतिष्ठानमा १० आइसीयू र ६ भेन्टिलेटर रहेका छन् ।

त्यस्तै हुम्ला, कालिकोट र दैलेखमा पाँच पाँच आईसीयू र दुईदुई वटा भेन्टिलेटर, जाजरकोट र सल्यानमा दुईदुई आईसीयू र एकएक वटा भेन्टिलेटर छन् । रुकुमको चौरझारी सामुदायिक अस्पतालमा चारवेडसहित हाल प्रदेशभरी ६२ बेड आइसीयू र २६ वेड भेन्टिलेटर राखिएको छ । त्यस्तै १० वटै जिल्लामा अक्सिजन प्लानको तयारी थालिएको छ । प्रदेशका सामाजिक विकास मन्त्री दल रावल कोरोना महामारी स्वास्थ्य पूर्वाधार सुधारमा अवसर बनेको बताउनुहुन्छ ।

कोभिड १९ को महामारी फैलिएका बेला स्वास्थ्य क्षेत्रमा सचेतना फैलाउने, पूर्वाधारदेखि जनशक्ति खटाउर्नेसम्मका काममा सुधार भएका छन् । प्रदेश सरकारले मेडिकल अफिसर समेत नबस्ने जिल्ला अस्पतालहरुमा विशेषज्ञ चिकित्सकनै खटाएको छ । त्यहीबाट अहिले जटिल खालका शल्यक्रिया समेत हुन थालेका छन् ।

प्रादेशिक अस्पतालका बालरोग विशेषज्ञ डा प्रदीप पौडेल कर्णालीको स्वास्थ्य क्षेत्रको सुधारका लागि महामारी अवसर भएपनि अझ यसलाई स्तरीय बनाउन जनशक्ति र उपकरणको आवश्यकता देख्नुहुन्छ । कोरोना महामारीका बीच प्रदेश सरकारले १० जिल्लामा चिकित्सक र स्वास्थ्यकर्मीगरी ४२ जनालाई खटाएको छ ।

कोरोना प्रतिकार्यका लागि संघ र प्रदेश सरकारले कर्णालीका १७ वटा अस्पताललाई ३० करोड ५९ लाख बढी रुपैयाँ खर्चिएका छन् ।

LEAVE A REPLY

Please enter your comment!
Please enter your name here