• 1.7K
  •  
  •  
  •  
  •  
  •  
    1.7K
    Shares

जावेद अन्सारी
बाँके पुस २७ गते ।

जसपा नेता तथा पूर्वमन्त्री मोहम्मद इस्तियाक राइले जसपा सबै समुदाय र धर्मले ओतप्रोत र नेतृत्व गरेको पार्टी भएको बताउनुभयो । राईले जसपा पार्टी साँझा फुलवारी जस्तै भएको पार्टी भएको पनि उल्लेख गर्नुभयो । प्रधानमन्त्री केपी शर्मा ओलीले संबिधानलाई भंग गर्नु लोकतान्त्रिक र संबैधानिक अधिकारमाथिको कु भएको बताउनुभयो । जसपाले आज नेपालगन्जमा आयोजना गरेको विरोधसभालाई सम्वोधन गर्दै उहाँले संबिधानमाथि प्रधानमन्त्री केपी शर्मा वलीले बलात्कार गरेको आरोप लगाउनुभयो ।

संबिधानसभाका अध्यक्ष सुभाषचन्द्र नेम्वांग वलीले संसद भंग गरेको टुलुटुलु हेरेर बसेको प्रति आक्रोस पोख्नुभयो । नेम्वागं वली निकट मानिन्छन् । पार्टीभित्रको आन्तरिक किचलो मिलाउन नसकेर त्यसको झोक संबिधानसभालाई भंग गरेर रिस मेटाउने खेल कुनै पनि हातलमा स्विकार्य नहुने बताउनुभयो । संबिधानसभा भंग मधेश आन्दोलन विरुद्ध, १९ दिने जनआन्दोलन विरुद्ध, संबिधानको धारा विरुद्ध भएकाले अव जनताले सडकबाटै संसद भंगको निर्णय सच्चाउने राइको दावी छ । उहाँले पछिल्लो राजनीतिक घटनाक्रमले राजावादीहरु सल्बलाउन थालेको प्रति अच्चमित नहुन कार्यकर्ताहरुलाई आग्रह गर्नुभयो । उहाँले नेपालगन्जमा पनि केही राजावादीहरुले टाउको उठाइरहेको भन्दै त्यसको पछि नलाग्न सबैलाई आग्रह गर्नुभयो ।

अव राजावादीका दिन गए उहाँले विरोधसभालाई सम्वोधन गर्दै भन्नुभएको छ । नेपालगन्जका मेयर धवल शम्शेर राणाप्रति लक्षित गर्दै उहाँले अव राजावादीको सपना नदेख्न चेतावनी दिनुभयो । जंगबहादुर हुँ कसैले भन्छ भने त्यो दिवा सपना भएको उहाँको भनाइ छ । उहाँले यसक्षेत्रको विकास निर्माणको लागि आफु प्रतिबद्ध रहेको बताउनुभयो ।

निर्वतमान प्रतिनिधिसभा सदस्य समेत रहनुभएका उहाँले आफु मन्त्री भएपछि यसक्षेत्रको ठूलो विकास भएको बताउनुभयो । उहाँले ९० वर्ष पुरानो भेरी अस्पतालको स्वरुप आफ्नै पहलमा फेरिन लागेको पनि जानकारी दिनुभयो । पश्चिम नेपालको सबैभन्दा ठूलो र पुरानो अस्पतालको विकासका लागि आफुले ठूलो पहल गरेको पनि उहाँको जीकिर थियो ।

जसपाका अर्का नेता अक्वाल अहमद शाहले यो संबिधान मधेश र मधेशी जनताको हित विपरीत भएको बताउनुभयो । उहाँले संबिधानले मधेशी जनताको अधिकारलाई कुन्ठित गरेको आरोप लगाउनुभयो । उहाँले प्रधानमन्त्री केपी शर्मा ओलीले संबिधान भंग गरेर नेपाली जनताको अपमान र हत्या गरेको पनि आरोप लगाउनुभयो । प्रधानमन्त्रीको असंबैधानिक कदमलाई राष्ट्रपति विद्यादेवी भण्डारीले लालमोहर लगाएकोप्रति गम्भीर आपत्ती जनाउनुभयो ।

महिला नेतृ अमृता अग्रहरीले ठूला राजनीतिक दलहरुले मधेशी जनतामाथि दमन र शोसन गरेको आरोप लगाउनुभयो । उहाँले मधेशी र मधेशमाथि काँग्रेस, नेकपालगायतका दलहरुले रैतीको व्यवहार गरेको बताउनुभयो । नेपाल र भारतबीचको सम्वन्ध रोटीबेटी देखि चेलीबेटीसम्मको रहेको भन्दै दुई देशबीचको सम्बन्ध प्रगाढ हुनु पर्ने बताउनुभयो । उहाँले मधेशीहरुको अधिकार स्थापित गर्नका लागि संबिधान संशोधनको विकल्प नभएको बताउनुभयो । अहिले पनि मधेशी जनताले दमन र शोसनको पीडा खेप्नु परेको उहाँको भनाइ छ ।

पार्टीका जिल्ला अध्यक्ष कमलरुद्धिन राइको सभापतित्वमा भएको कार्यक्रममा करिव ३ हजार जसपामा प्रवेश गरेका थिए । विभिन्न पार्टी परित्याग गरेर उनीहरु जसपामा प्रवेश गरेको अध्यक्ष राइले बताउनुभयो । उनीहरु राप्रपा र नेकपा पार्टी परित्याग गरी जसपामा प्रवेश गरेका हुन् । उनीहरुले सरकार विरुद्ध कार्यक्रमस्थलमै नारावाजी गरेका थिए ।

भिडियो सहित

1 COMMENT

LEAVE A REPLY

Please enter your comment!
Please enter your name here