• 7
  •  
  •  
  •  
  •  
  •  
    7
    Shares

जुम्ला माघ ८ गते ।
कर्णाली प्रदेशका तीन जिल्लामा चरम लोडसेडिङ भएको छ । प्रशारण लाइनको अभावका कारण तीन जिल्लामा चरम लोडसेडिङ भएको हो । देशभर लोडसेडिङ अन्त्य भएको घोषणा गरिएको तीन वर्षपछि फेरि कर्णाली प्रदेशबाट विद्युत् कटौती गर्न थालिएको छ । नेपाल विद्युत् प्राधिकरण जुम्ला वितरण केन्द्रले तालिका प्रकाशन गरी कर्णाली प्रदेशको दोस्रो ठूलो सहर जुम्लाको सदरमुकाम खलंगामा लोडसेडिङ सुरु भएको घोषणा गरेको हो ।

दैलेख र कालिकोटमा पनि लोडसेडिङ सुरु गरिएको छ । जुम्ला सदरमुकाम खंलगामा दैनिक १५ घण्टा वत्ती आउने छैन् भने मुगु र कालिकोटमा दैनिक १२ घण्टा वत्ति आउने छैन् । प्राधिकरणले सार्वजनिक गरेको लोडसेडिङ तालिकाअनुसार दैनिक सात घन्टा विद्युतगृह नै बन्द रहने गरेको छ ।

आयोजनाको क्याचमेन्ट क्षेत्रमा वर्षा नभएकाले पानीको बहाव कम भएकाले ‘पिक आवर’मा विद्युत् आपूर्ति सहज गर्न दैनिक सात घन्टा विद्युत गृह नै बन्द गर्नुपरेको जुम्ला वितरण केन्द्र प्रमुख गौरव पाण्डेले बताउनुभयो । बिजुलीको उत्पादन कम र माग बढी हुँदा २४ सै घन्टा आपूर्ति गर्न नसकिने अवस्था आएपछि लोडसेडिङ गर्नु परेको प्राधिकरणका अधिकारीहरु बताउँछन् । यी जिल्लामा राष्ट्रिय प्रसारण लाइन पुगेको छैन ।

रन अफ रिभरमा आधारित उत्पादन केन्द्रको क्षेत्रमा पानी नपरेका कारणले खोलामा पानीको बहाब धेरै कम भएपछि बिजुली उत्पादन घटेको छ । ग्र्राहकको संख्याअनुसार जुम्लामा मात्रै एक मेगावाट विद्युत् आवश्यक पर्छ, तर अहिले दुई सय २० किलोवाट मात्रै छ । झन्डै चार दशकअघि दुई सय किलोवाट विद्युत् उत्पादन भएको घुघुत्ती साना जलविद्युत् आयोजनामा गत वर्ष दुईवटा नयाँ उपकरण जडान गरेपछि अहिले दुई सय २० किलोवाट बिजुली उत्पादन भइरहेको छ ।

जुम्लामा राष्ट्रिय प्रसारण लाइन पुगेको छैन । प्राधिकरण प्रदेश कार्यालय, सुर्खेतमार्फत राष्ट्रिय प्रसारण लाइन जडानका लागि जुम्ला, कालिकोट र दैलेख तीनैतिरबाट काम भइरहेको छ । पोल गाड्ने र तार टंगाउने काम भइरहेको छ, जोडिन अझै समय लाग्ने वितरण केन्द्र प्रमुख पाण्डेले बताउनुभयो । विद्युत् आपूर्तिको समस्या भएपछि स्थानीय सरकारले पनि प्रदेश र संघीय सरकारलाई गुहार्दै आएका छन् ।

LEAVE A REPLY

Please enter your comment!
Please enter your name here