• 686
  •  
  •  
  •  
  •  
  •  
    686
    Shares

बाँके माघ १० गते ।
राजपा बाँकेका युवा नेता गुलाम हुसैन हलवाई (फिरोज) ले जसपामा प्रवेश गर्नु भएको छ । शनिवार अपरान्ह जनता समाजवादी पार्टी बाँकेको कार्यालयमा आयोजित एक समारोहमा पुर्वमन्त्री तथा जनता समाजवादी पार्टीका केनिद्रय नेता मोहम्मद ईश्तियाक राईले फिरोजलाई दोसल्लाअबिर लगाई पार्टी प्रवेश गराउनुभयो । सो अवसरमा बोल्दै नेता हलवाईले समाजवादी पार्टी र राजपाविच एकता भएपनि जिल्लास्तरमा पार्टी समायोजनका लागि राजपाका नेताहरुले कुनै कार्य नगरेकोले राजपाबाट राजिनामा दिएर सिधै जनता समाजवादी पार्टीमा प्रवेश गरेको बताउनुभयो ।

उहाँले एउटा स्थानीय अनलाइनले जसपाबाट राजिनामा दिएको भनि आफ्नो बारेमा गलत भ्रामक र झुठो प्रचार गरेको जनाउँदै सो बारे कडा आपत्ती समेत जनाउनुभयो । उहाँले त्यस्ता तथ्यहिन समाचार प्रकाशन गर्ने अनलाइनलाई साइवरक्राइममा मुद्धा हाल्ने चेतावनी दिनुभएको छ ।

पुर्वमन्त्री तथा सांसद राईको कुशल नेतृत्वमा क्षेत्र नम्बर २ मात्र नभई समग्र बाँके जिल्लाले विकासको अवसर पाएको जनाउँदै उहाँले फेरी पनि राईलाई नै विजयी गराउनु पर्नेमा जोड दिनुभयो । सो अवसरमा पुर्वमन्त्री राईले आफुले सबै वर्ग समुदाय र क्षेत्रको विकासका लागि काम गर्दै आएकोले सबैको साथ र सहयोग रहेको प्रष्ट पार्दै गत तीन वर्षको अवधीमा आफ्नो क्षेत्रमा थुप्रै विकासका कामहरु गराएको बताउनुभयो ।

नेपालगन्ज उपमहानगरपालिका र डुडुवा गाउँपालिकाले आफुले दिएको विकासको बजेट कार्यान्वयन नगरेर फ्रिज गराएको गुनासो गर्दै सांसद राईले समयमा जनताले उनिहरुलाई गतिलो जवाफ दिने बताउनुभयो । उक्त अवसरमा जनता समाजवादी पार्टी बाँकेका अध्यक्ष कमरुद्दीन राई, नेताहरु राजन रानामगर, राजेन्द्र विश्वकर्मा, कौशल धोबी लगायतले पनि हलवाइको स्वागत गरेका थिए ।

LEAVE A REPLY

Please enter your comment!
Please enter your name here