• 486
  •  
  •  
  •  
  •  
  •  
    486
    Shares

बाँके माघ ११ गते ।
पछिल्लो दुई वर्षमा नेपालगन्जमा सडक निर्माणमा मात्र तीन अर्ब २८ करोड रुपैयाँभन्दा बढी खर्च भएको देखिएको छ । नेपालगन्ज उपमहानगरपालिकाले दिएको एक रेकर्ड अनुसार नगरमा ६६ किलोमिटर बढी कालोपत्रे सडक निर्माण हुँदैछ । पीपीसी सडक ४० किलोमिटरभन्दा बढी बनेको छ । माटो पटान, इँटा सोलिङ र ग्राभेल सडक २० किलोमिटर बनेको छ ।

उपमहानगरपालिकाको रकेर्डअनुसार सबै गरी नेपालगन्जमा एक सय २६ किलोमिटर बढी पक्की सडक बनिसकेको छ । तर, नेपालगन्जको मुख्य सडकसँगै जोडिएको पासाङल्यामु सडक निर्माण दुई बर्षसमम पनि अलपत्रै छ । सडक हिलाम्मे छ । पैदल यात्री देखि सवारी यात्रीलाई समेत हिडडुल तथा आवतजावतमा समस्या भैरहेको छ ।

ठेकेदारको लापरवाही उदासिनता ढिलासुस्तीका कारण उक्त सडक दुई बर्षसमम पनि पुरा हुन नसकेको स्थानीय बताउँछन । स्थानीयका अनुसार उक्त सडक तत्काल निर्काण गरी कलोपत्रेका लागि उपमहानगरपालिका समेत मौन देखिएको छ । स्थानीयले सडक तत्काल निर्माणको माग गर्दै आबश्यक सहयोग गरिरहेका छन ।

एसियाली विकास बैंकले एकीकृत सहरी विकास आयोजना सामुदायिक विकास कार्यक्रमको साना भौतिक पूर्वाधार निर्माणअन्तर्गत उपमहानगरमा सात करोड ११ लाख ७२ हजार रुपैयाँमा ८७ वटा बाटो ९१० किलोमिटर० पीपीसी गरेको थियो । आयोजनाका इन्जिनियर मदन झाका अनुसार एडीबीले नेपालगन्जमा दुई वर्षमा कम्त मा साढे दुई लाख रुपैयाँदेखि बढीमा १० लाख रुपैयाँ लागतमा एक सय १६ वटा सडक पीपीसी गरिसकेको छ ।

जुन १४ किलोमिटर हुन आउँछ । रेकर्डअनुसार अघिल्लो वर्ष झन्डै तीन करोड रुपैयाँ लागतमा २९ वटा सडक पीपीसी गरेको थियो ।लएडीबीले नेपालगन्जमा एक अर्ब ७३ करोड रुपैयाँ सडकमा लगानी गरेको छ । एक अर्ब ६३ करोड रुपैयाँमा ३६ किलोमिटर सडक कालोपत्रे र पक्की नाली बनाउने योजना अन्तर्गत हो ।

आयोजनाका साइट इन्जिनियर शैलेन्द्र महर्जन भन्छन्, ‘अबको केही वर्षमा नेपालगन्जमा कालोेपत्रे गर्ने सडक भेटिने छैन ।’ उपमहानगरपालिकाका अनुसार आयोजनाले थप नौ किलोमिटर सडक कालोपत्रेका लागि एडीबीसँग माग गरेको छ । नगरमा सहरी विकास तथा भवन निर्माण विभाग डिभिजन कार्यालयले ३० किलोमिटर सडक कालोपत्रे गरिरहेको छ ।

LEAVE A REPLY

Please enter your comment!
Please enter your name here