• 463
  •  
  •  
  •  
  •  
  •  
    463
    Shares

बाँके माघ १६ गते ।
नेपालगन्जबाट गाइ लगेर भीरबाट खसालेर मार्ने जनप्रतिनिधिहरुले छुट पाएका छन् भने कर्मचारीहरु भने जेल सजाय भोग्नु पर्ने भएको छ । गौहत्या मुद्दामा सुर्खेत जिल्ला अदालतले नेपालगन्ज उपमहानगरपालिकाका नगर प्रहरी निरीक्षकसहित १० जनालाई जेल सजाय तोकेपछि यतीबेला नगरबासीहरुले ठूलालाई चयन र सानालाई ऐन भएको भन्दै आलोचना गरेका छन् । नेपालगन्जबाट गाइ लगेर भीरबाट खसाउन लगाउन कुकृत्र्यमा जनप्रतिनिधिलाई सिधै छुट पाउनु र कर्मचारी फस्नु दुर्भाग्यपूर्ण भएको नेपालन्जबासीको भनाइ छ । नेपालको राष्टिय जनावर गाइ हो ।

गाईलाई हामी लक्ष्मीको रुपमा मान्छौ । तर यीनै गौहत्याको निर्मम र क्रुरुर तरिकाले भीरबाट लडेर हत्या गरियो । २०७६ भदौ १३ गते नेपालगन्ज उपमहानगरपालिकाद्वारा सञ्चालित कान्जी हाउसबाट लगेका मध्ये ३९ वटा गाई भीरबाट खसालेर मारिएको थियो । उक्त गाई नेपालगन्जका मेयर डा धवल शम्शेर राणा र तत्कालिन प्रशासकिय अधिकृत हरि प्याकुरेलको निर्देशनमा सुर्खेत पठाइएको थियो । तर उनीहरुमाथि छानविनै भएन् ।मुद्दा नै चलेन । चल्यो त कर्मचारी माथि ।

त्यही मुद्दामा प्रतिवादी बनाइएका ट्रान्सपोर्ट सञ्चालकसहित ७ जनाले भने सफाइ पाएका छन् । जिल्ला न्यायाधीश डाक्टर राजेन्द्रकुमार आचार्यको एकल ईजलासले बुधबार मुलुकी अपराध संहिताको २८९ अनुसार न्यूनतम ३ महिनादेखि डेढ वर्षसम्म जेल सजाय तोकेको हो । सबैभन्दा बढी सजाय नगर प्रहरी निरीक्षक सूर्यबहादुर बोगटीलाई डेढ वर्ष तोकिएको छ ।

नगर प्रहरी सहायक निरीक्षक विकास गौतमलाई १ वर्ष कैद तोकिएको छ । नगर प्रहरी जवानहरु कमल बयक, सुवर्ण तारामी मगर, सुशान्त शाही र चन्द्रबहादुर रानालाई ६-६ महिना जेल सजाय तोकिएको छ । नगर प्रहरी जवान पवनकुमार कनोजियालाई ५ महिना, नगर प्रहरी जवानद्वय राकेश भारती, धर्मेन्द नेपाली र फायरम्यान कमल थापा मगरलाई ३-३ महिना जेल तोकिएको छ ।

२०७६ भदौ १३ गते नेपालगन्ज उपमहानगरपालिकाद्वारा सञ्चालित कान्जी हाउसमा रहेका गाईरगोरु र बाच्छारबाच्छी दैलेख लैजाने क्रममा ३९ वटा रत्न राजमार्गको सुर्खेत खण्डमा मरेका थिए । ८ वटा ट्रकमा ल्याइएका २ सय ९१ मध्ये अन्य गाईरगोरु र बाच्छारबाच्छी सडकमै अलपत्र छाडिएका थिए ।

गाई ओसार्नको लागि ट्रक उपलब्ध गराउने गुड्स क्यारियर ट्रान्सपोर्टका सञ्चालक सन्तृप्त सिंह श्रेष्ठ र ट्रक चालकहरु हिमबहादुर जिसी, दामोदर केसी, शत्रुधन चौधरी, सागर विश्वकर्मा र सहचालकहरु विवेक कुँवर, कृष्णबहादुर बिसीले सफाइ पाएका छन् ।

अनुसन्धानको दायरामा तानिएका बाँकेका तत्कालीन सहायक प्रमुख जिल्ला अधिकारी कृष्णकान्त उपाध्याय, नेपालगन्ज उपमहानगरपालिकाका मेयर डाक्टर धवल शम्शेर राणा, नगरपालिकाका तत्कालीन प्रमुख प्रशासकीय अधिकृत हरि प्याकुरेल र जिल्ला समन्वय समिति दैलेखका प्रमुख प्रेमबहादुर थापाको हकमा भने जिल्ला सरकारी वकिल कार्यालयले मुद्दा नचलाउने निर्णय गरेको थियो ।

गाई पठाउने सवालमा उपाध्याय, राणा र प्याकुरेलको सबैभन्दा ठूलो भूमिका थियो । तर यीनीहरु सबैले छुट पाएका छन् । नेपालगन्ज उपमहानगरपालिकाको बिहिवार सम्पन्न आठौं नगरसभाले नगरभित्रका छाडा पशु चौपाय ब्यवस्थापन गर्दा कर्मचारीहरुले आदेशको पालना गर्ने क्रममा घटना भएका कारण त्यसको सम्पूर्ण जिम्मेवारी उपमहानगरपालिकाले लिने निर्णय नगरसभाले सर्वसम्मत पारित गरेको छ । उपमहानगरपालिकाले राम्रो मनसायका साथ काम गरिए पनि दुर्घटनावश घटना भएको जनाएको छ ।

LEAVE A REPLY

Please enter your comment!
Please enter your name here