•  
  •  
  •  
  •  
  •  
  •  

बाँके माघ २७ २८ गते ।
प्रधानमंत्री केपी शर्मा ओलीको सिफारिशमा राष्ट्रपतिले प्रतिनिधि सभा बिघटन गरेको बिरोधमा जनता समाजवादी पार्टी बांकेले आज नेपालगंजमा मसाल जुलुस प्रदर्शन गरेको छ। जसपा पार्टी कार्यालय बाट निस्केको मसाल जुलुस बिपी चोकमा पुगेर कोण सभामा परिणत भएको थियो ।

जसपा बांकेका अध्यक्ष कमरुद्दीन राईको अध्यक्षतामा भएको कोणसभालाई सम्वोधन गर्दै लुम्बिनी प्रदेश अध्यक्ष अशोक यादवले जनताको बलिदानबाट प्राप्त संबिधानसभालाई प्रधानमन्त्री ओलीले सनकको भरमा भंग गर्नु लोकतन्त्रमाथिको प्रहार भएको बताउनुभयो । यादवले लोकतान्त्रिक मूल्य र मान्यता राख्ने सबै अन्तर्राष्ट्रिय शक्ति र समूदायलाई साथ र सहयोग गर्न आग्रह पनि गर्नुभयो ।

ओलीको तानाशाह अव सहन नसकिने यादवको चेतावनी छ । जसपा नेता लक्ष्मी नारायण बर्माले पनि प्रधानमन्त्री ओलीले जनआन्दोलन, मधेश आन्दोलनको बलमा संबिधानसभा बनेको भन्दै त्यसलाई प्रधानमन्त्रीले धरापमा पारेको बताउनुभयो । कार्यक्रममा जसपा महिला संघ अध्यक्ष दीपा राना मगरले प्रतिनिधिसभा विघटन गरेर प्रधानमन्त्री ओलीले निंकुश शासन लाद्न खोजेको आरोप लगाउनुभयो । प्रधानमन्त्री ओलीले संसद भंग गरेर संबिधान र लोकतन्त्रको धज्जी उडाएको उहाँले टिप्पणी गर्नुभयो । उहाँले संसद पुनःस्थापना नभएसम्म जसपाको आन्दोलन नरोकिने चेतावनी समेत दिनुभयो ।

LEAVE A REPLY

Please enter your comment!
Please enter your name here