• 1.4K
  •  
  •  
  •  
  •  
  •  
    1.4K
    Shares

बाँके फागुन १३ गते ।
बाँकेबाट भारतमा पेट्रोल तस्करी हुने गरेको छ । अवैध सीमानाकाको प्रयोग गरेर तस्करहरुले पेट्रोल भारत छिराउने गरेका छन् । नेपालभन्दा भारतमा महंगोमा पेट्रोल पाइने भएपछि नेपालबाट तस्कर हुने गरेको हो । करिब महिना दिन अगाडी एक लिटरको पेट्रोल भरिएको खानेपानीको बोटल बोकेर नेपालगन्जको नेपाल भारत सिमानाका जमुनाह देखि भारत तर्फ (रुपैडिहा) जाँदै गरेको दृश्य साधारण जस्तै लाग्ने गरेपनि अहिले भने त्यो तस्करी मौलाउदै गएको छ ।

भारतमा दिनप्रतिदिन पेट्रोलियम पदार्थको आकाशियको मुल्य वृद्धि पछि नेपालको सिमावर्ती भारतिय बजारमा नेपाल देखि पेट्रोलियम पदार्थको तस्करी बढेको छ ।भारतीय बजारमा पेट्रोल करिब भारतिय १०० को आसपास र केही शहरहरुमा १०० रुपैयाँ समेत नाघी सकेको अवस्थामा नेपालबाट पेट्रोलियम पदार्थ तस्करी गर्दा लिटरमा ३० देखि ४० नेपाली रुपैयाँ सम्मको बचत हुने हुँदा त्यसको तस्करी व्यापक हुँदै आएको छ । खुल्ला सिमाना रहेका कारण सानो सानो परिणाममा पेट्रोलियम पदार्थको तस्करी बढिरहेको छ ।

नेपाल-भारत सिमाको बाके खन्ड करिब ५६ किलोमीटर खुला सिमाना रहेको छ जसले गर्दा पेट्रोलियम पदार्थ तस्करी गर्ने समूह सक्रिय रहेका छन् ।
प्राय नेपाल भन्दा भारतमा पेट्रोलियम पदार्थको मूल्य केही महँगो नै रहने भए पनि भारतमा अन्तरास्ट्रिय बजारको हवाला दिदै गरिएको मूल्य वृद्धि संगै पेट्रोलियम पदार्थको मुल्यमा भारी वृद्धि हुँदा नेपाल र भारत बिचको तुलनात्मक मुल्यमा ठूलो अन्तर रहने हुँदा पेट्रोलियम पदार्थको तस्करी व्यापक रुपमा हुने गर्दछ ।

नेपालबाट धेरै ठुलो मात्रामा तस्करी हुनेमा डिजेल पर्ने एक सुरक्षाकर्मीले बताए । सबैभन्दा धेरै डिजेल तस्करी हुनेगर्छ त्यसपछि पेट्रोल ।नाम नबताउने सर्तमा तस्करीको समुहलाई प्रतिलिटर डिजलमा ३० रुपैयाँ र पेट्रोलमा २०.२५ रुपैयाँको नाफा मिल्ने गर्छ तर भारतमा दिनहुुँ वृद्धि भएको पेट्रोलियम पदार्थको मूल्यलाई हेर्ने हो भने त्यो भन्दा बढी नै नाफा हुने जिकिर रहेको छ । नेपालबाट भारततर्फ तस्करी हुने पेट्रोलियम पदार्थ सबैजसो क्षेत्रबाट हुने अनुमान र जिकिर गरेपनी बिशेषगरि अहिलेको समयमा नरैनापुर क्षेत्रको नाका र खडैचा नाका भएर बढी नै तस्करी हुने गरेको स्रोतले बताएको छ ।

तस्करीको लागि बाँकेको हकमा नरैनापुर र डुडुवाका सिमानाका स्वर्गको रुपमा हेरेको छ । प्रशासन, पत्रकार तथा सुरक्षाकर्मीको उति सारो उपस्थिति नहुने भएकाले पनि उक्त क्षेत्र तस्करीको लागि उपयुक्त रुटको रुपमा तस्करी समुहले हेर्ने गरेका छन् । उसो त नेपाल देखि भारत र भारत देखि नेपालमा हुने कुनै पनि तस्करीमा सशस्त्र प्रहरिकै मिलोमतो रहने समेत बताउदै आएका छन् ।

भारतको केन्द्र सरकार र राज्य सरकारले पेट्रोलियम पदार्थमा भारी मात्रामा छुट्टाछुट्टै ट्याक्स लगाउने र अन्तर्राष्ट्रिय बजारमा आएको उछाल संगै पेट्रोलियम पदार्थमा हुने मूल्य वृद्धि संगै नेपालबाट भारत तर्फ पेट्रोलियम पदार्थको तस्करी मौलाने गर्दै आएको छ ।

LEAVE A REPLY

Please enter your comment!
Please enter your name here