• 408
  •  
  •  
  •  
  •  
  •  
    408
    Shares

बाँके फागुन १५ गते ।
प्रेस संगठन बाँकेको सपथ ग्रहण तथा प्रशिक्षण कार्यक्रम आठ बुँदे घोषणा पत्र जारी गर्दै राप्तीसोनारीको अगैयामा सम्पन्न भएको छ । संगठनका अध्यक्ष डक्टप्रसाद धितालको सभापतित्वमा भएको कार्यक्रममा प्रमुख अतिथि प्रतिनिधिसभा सदस्य महेश्वर गहतराज अथक थिए ।

आठ बुँदे घोषणापत्रमा कोरोना भाइरस महामारीका कारण श्रमजिवी पत्रकारहरुको अवस्था विजोग बनेकाले लेखनबृद्धिका लागि पहल गर्ने, लोककल्याणकारी विज्ञापनका लागि पहल गर्ने, पत्रकार परिचयपत्र उपलब्ध गराउन र नविकरण गराउन पहल गर्ने, प्रेस स्वतन्त्रता सेनानी गोपाल बैश्यको नाममा नेपालगन्जको उपयुक्त स्थानमा चोक नामाकरण गर्ने लगायतका छन् ।

कार्यक्रममा बोल्दै प्रमुख अतिथि गहतराजले लोकतन्त्र र प्रजातन्त्रका लागि पत्रकारहरुले महत्वपूर्ण भूमिका निभाएको बताए । अहिले पनि समाज रुपान्तरणका लागि पत्रकारहरुको भूमिका अतुलनिय रहेको उनको भनाइ छ । उनले पत्रकारिताभित्र पनि विकृति भित्रिएकाले त्यसलाई सच्चाउँदै जानु पर्ने उनको भनाइ थियो ।

कार्यक्रममा बोल्दै नेकपा बाँकेका अध्यक्ष आईपी खरेलले प्रतिगमनका बिरुद्धमा एकजुट भएर नेपाली संचार जगतले न्याय प्राप्तीमा उल्लेखनिय योगदान दिएको बताए । उनले संगठनका गतिविधिहरुलाई थप प्रभावकारी बनाएर अगाडी बढ्न सुझाव समेत दिएका थिए ।

कार्यक्रममा शिव सुनार, शंकर खनाल, सिराज खान, अजयकुमार गुप्ता, मान सिह बि.क.लगायतले आ–आफ्नो धारणा राखेका थिए ।
कार्यक्रममा संगठनका केन्द्रिय सदस्य, प्रदेश सदस्य तथा जिम्मेवार पदाधिकारीहरुको उपस्थिती रहेको थियो ।कार्यक्रमको सहजिकरण संगठनका सहसंयोजक राजेश आचार्यले गरेका थिए ।

LEAVE A REPLY

Please enter your comment!
Please enter your name here