• 9
  •  
  •  
  •  
  •  
  •  
    9
    Shares

बाँके चैत २६ गते ।
च्याम्पियन्स लिग फुटबल अन्तर्गत बुधबार राति भएको क्वाटरफाइनलको पहिलो लेगमा पेरिस सेन्ट जर्मेन (पिएसजी) विजयी भएको छ । अवे मैदानमा भएको खेलमा पिएसजीले साबिक विजेता बार्यन म्युनिखलाई ३–२ ले पराजित गरेको हो । पिएसजीको जितमा केलियन एमबाप्पेले दुई तथा मार्क्वीन्होसले एक गोल गरे ।

बार्यनका लागि चोउपो–मोन्टिङ्ग र थोमस मुलरले एक–एक गोल गरेका हुन् । एमबाप्पेले तेस्रो मिनेटमा नै गोल गरेर पिएसजीलाई सुरुवाति अग्रता दिलाए । २८ औँ मिनेटमा मार्क्वीन्होसले अग्रता दोब्बर पारे ।

३७ औँ मिनेटमा मोन्टिङ्गले बार्यनका लागि एक गोल फर्काए । ६० औँ मिनेटमा मुलरले बराबरी गोल गरे । तर ६८ औँ मिनेटमा एमबाप्पेले व्यक्तिगत दोस्रो गोल गरेपछि पिएसजीको जित निश्चित भएको हो । दोस्रो लेग पिएसजीको मैदानमा हुने छ ।

LEAVE A REPLY

Please enter your comment!
Please enter your name here