• 1.1K
  •  
  •  
  •  
  •  
  •  
    1.1K
    Shares

बाँके चैत २८ गते ।
पछिल्लो सातादेखि पुनः नेपालमा संक्रमणको दर उकालो लागेपछि स्वास्थ्य मन्त्रालयले बढी भीडभाड हुने क्षेत्रमा विशेष सजगता अपनाउन आग्रह गरिसकेको छ। जनस्वास्थ्यका मापदण्ड पालना गर्ने र रात्रिकालीन व्यवसायलाई ९ बजेदेखि बन्द गर्न र सार्वजनिक यातायातमा सवार यात्रुलाई सामाजिक दूरी पालना गराउन निर्देशन दियो।

नयाँ प्रजातिको भेरियन्ट भाइरस फैलिएको आशंकामा मन्त्रालयले जनस्वास्थ्यको मापदण्ड पालना गराउन खोजेको र थप संक्रमण फैलिन नदिन सचेतना अपनाउन आग्रह गरेको छ। सर्वसाधारणले सजगता नअपनाए संक्रमण तीव्र रुपमा फैलने सम्भावना बढदै गएको र अस्पतालमा भर्ना हुनेको संख्या पनि बढदै गएको छ।सार्वजनिक यातायातमा सामाजिक दूरी कायम नगरेको र रात्रिकालीन व्यवसायीले ९ बजेदेखि बन्द गर्नुपर्ने भए पनि बन्द गरेका छैनन्।

करिव शुन्यको अवस्थामा पुगेको नेपालगन्जमा पछिल्लो समय संक्रमण दर बढ्दै गएको छ । खासगरी नेपालगन्ज घनाबस्ती भएकोले पनि संक्रमणको दर बढेको हुन सक्ने अनुमान गरिएको छ। बढी भीडभाड हुने ठाउँबाट संक्रमण फैलने त्रास रहेकोले पनि जनस्वास्थ्यका मापदण्ड पालना गर्न निर्देशन दिएको छ।

बल्लबल्ल तंग्रिन लागेको व्यवसायलाई पुनः बन्द गर्नुपर्दा कहिले उठ्न नसक्ने गरी थलिने व्यवसायीले बताउन थालेका छन्। व्यवसायी जनस्वास्थ्यको मापदण्ड पालना गरेर व्यवसाय सञ्चालन गर्न तयार रहेका छन्। गृह मन्त्रालयबाट निर्देशन आएपछि कडाइ गर्ने बताउँदै नेपालगन्जका व्यवसायीहरुले तर व्यवसाय बन्द गर्दा आफुहरुको विचल्ली हुने बताएका छन् ।

भाइरस संक्रमणको जोखिमकाबीच स्वास्थ्यका सबै मापदण्ड पालना गरेर व्यवसाय संचालन गर्न दिनुपर्ने माग उनीहरुको छ ।

LEAVE A REPLY

Please enter your comment!
Please enter your name here