• 36
  •  
  •  
  •  
  •  
  •  
    36
    Shares

बाँके वैशाख २९ गते ।
कोरोना संक्रमणको दोस्रो लहर संगै स्वास्थ्यकर्मीहरुको सुरक्षाको लागी मिलाप नेपालगन्जले बाँकेको जानकी गाउँपालिकालाई स्वास्थ्य सुरक्षा सामाग्री हस्तान्तरण गरेको छ ।

कोरोना संक्रमण नियन्त्रण र उपचारमा खटिने स्वास्थ्यकर्मीको लागी बुधबार जानकी गाउँपालिका कार्यालयमा उक्त स्वास्थ्य सुरक्षा सामाग्री हस्तान्तरण गरिएको हो ।

उक्त स्वास्थ्य सुरक्षा सामाग्री मिलाप नेपालगन्जका सल्लाहकार तथा संस्थापक अध्यक्ष रेशम राज रेग्मी, कोषाध्यक्ष लोकेन्द्र बहादुर रोका क्षेत्री, सचिव अजय तामाङ, वरिष्ठ सामुदायिक सहजकर्ता प्रेमा रोका र सुर्य प्रशासन सहायक प्रकाश थापाले जानकी गाउँपालिका प्रमुख प्रशासकीय अधिकृत बस बहादुर राना तथा जानकी गाउँपालिका स्वास्थ्य शाखाका प्रमुख दल बहादुर राना र वडा नम्बर चारका अध्यक्ष विश्राम बर्मालाई संयुक्त रुपमा हस्तान्तरण गरिएको थियो ।

कार्यक्रममा जानकी गाउँपालिकाका प्रमुख प्रशासकीय अधिकृत बस बहादुर रानाले मिलापले गरेको सहयोग प्रती धन्यवाद दिदै कोरोना महामारीलाई नियन्त्रण गर्न सबै एकजुट भएर लाग्नु पर्ने बताएका थिए ।

मिलापले एक लाख ३८ हजार रुपैयाँ बढिको स्वास्थ्य सुरक्षा सामाग्री जानकी गाउँपालिकाका हस्तान्तरण गरेको थियो जसमा लागि इन्फ्रारेड गर्न ३, पल्स अक्सिमिटर २, डिस्पोजेबल मास्क ३०००, एन ९५ मास्क ६००, डिस्पोजेबल ग्लोबस ३०००, पिपिइ सेट ३०, ह्यान्ड सेनिटाइजर ५०० एमएलको ३० बोटल, थर्मोमिटर १० थान उपलब्ध गराएको थियो , जुन जानकी गाउँपालिकाका ६ वटा वडा र जानकी गाउँपालिकाले संचालन गरेको आइसोलेसनको लागी उपलब्ध गराएको हो ।

जानकी गाउँपालिकाका सम्पुर्ण वडाहरु र जानकी गाउँपालिकाले संचालन गरेको आइसोलेसन सेन्टरको लागी उक्त स्वास्थ्य सामाग्री प्रदान गरिएको मिलाप नेपालगन्जका सल्लाहकार तथा संस्थापक अध्यक्ष रेशम राज रेग्मिले बताए । वडाको लागि मेलाप आफैले प्रमुख प्रशासकीय अधिकृतको रोहबरमा हस्तान्तरण गरेको थियो भने आइसोलेसनको लागी स्वास्थ्य शाखाका प्रमुख दल बहादुर राना र प्रमुख प्रशासकीय अधिकृत बस बहादुर रानालाई हस्तान्तरण गरिएको थियो ।

स्वास्थ्य सुरक्षा सामाग्री बुझ्दै जानकी गाउँपालिका स्वास्थ शाखाका प्रमुख दल बहादुर रानाले प्राप्त स्वास्थ्य सुरक्षा सामाग्रीले आइसोलेसनमा रहेका स्वास्थ्यकर्मीको लागि प्रयोगमा आउने बताएका छन् ।

त्यस्तै मिलाप नेपालगन्जका सल्लाहकार तथा संस्थापक अध्यक्ष रेशम राज रेग्मिले कोरोना संक्रमणले प्रत्येक्ष रुपमा स्वास्थ्यकर्मीलाई असर गर्नेभएकाले स्वास्थ्य सुरक्षा सामाग्री हस्तान्तरण गरिएको बताएका छन् ।

LEAVE A REPLY

Please enter your comment!
Please enter your name here