• 131
  •  
  •  
  •  
  •  
  •  
    131
    Shares

फाइल फोटो
बाँके जेठ २७ गते ।

बाँकेमा कोरोनाको संक्रमण कम हुँदै गएपछि शहर बजारमा उपभोग्य बस्तु खरिद बिक्रिसँगै मजदुरी गर्नका लागि सडकमा आउजाउ पनि बढेको छ । लामो समयदेखि लगभग सुनसान झै रहेको कोहलपुर नेपालगन्जमा चलपहल बढेपछि सुरक्षाका लागि खटिएका प्रहरीको आक्रोश पनि उत्तिकै बढेको देखिएको छ ।

नेपालगन्जको राझाँमा बिहीबार विहान सुरक्षामा खटिएका प्रहरीले आम नागरिकमाथि माक्स नलगाएको कारण हप्किदप्की गरे । प्रहरी प्रमुख नयाँ नियुक्त भएसँगै हरेक पटक प्रहरीले एउटा अभियान शुरु हुने गरेका छन । र, त्यो अभियानले सधैं एउटा नाम पाउँछ । झट्ट सुन्दा पुरानै नाराजस्तो लाग्छ ।तर केही नयाँ कुरा भने अवश्य हुन्छ । कहिले त्यो नारामा प्रहरी शब्द अघि हुन्छ, त कहिले पछि ।जस्तै, मुस्कानसहितको प्रहरी सेवा । जनतासँग प्रहरी । टोलटोलमा प्रहरी । प्रहरी मेरो साथी । समुदायसँग प्रहरी । प्रहरीले सधैं नारा बदल्यो । तर, उसको व्यवहार कहिले बदलिएन ।उसको नारा जति मिठो भएपनि व्यवहार कहिले मिठो भएन ।

नारा मात्र फेरिरहने कि ? व्यवहार पनि फेर्ने ? यो महत्वपूर्ण कुरा हो । व्यवहार नफेरिकन फेरिने नाराले न त कुनै नतिजा दिन्छ ? न त जनताको विश्वास र भरोसा नै जित्न सकिन्छ ।कोहलपुरबाट हतारमा अस्पताल जान आएका दुईजना नागरिकले माक्स लाउन बिर्सेको र नजिकै पसल भए किनेर लाउने भन्दै ‘सरी’ माग्दा समेत त्यहाँ रहेका प्रहरी हवल्दार सहितको टोलीले दादागिरी मोटरसाइलको चाँबी समेत खोसेर झैझगडा गरेका छन । त्यहाँ खटिएका हवल्दार र उनकै मातहतका केही सिपाहीले चाँबी खोसेर जरिबवाना वापत रसिद नकाटे जान नदिने भन्दै नागरिकलाई सास्ती दिएका थिए ।

ती नागरिकले गल्ती स्वीकार्दा पनि सुरक्षाको निहुँमा असुलीमा खटिएका हवल्दार लगायतका ती प्रहरीको झुण्डले ठेली देखाउँदै बाँकेका सिडिओ र एसपीको आदेशमा कारवाहीका नाममा असुली गरिएको खुलासा गरेका छन । सडकमा ट्राफिक प्रहरी देखिएको छैन । सुरक्षामा खटिएको प्रहरीलाई नागरिकको लाइसेन्स, ब्लुवुक हेर्ने अधिकार छैन ।

तर, उनीहरू आम मोटरसाइकल यात्री मात्रै नभई साना, मझौला र ठुला सवारी साधनबाट विभिन्न बहानामा रकम असुली गर्दै आएका छन । कतिपय असुलीमा त ठेली समेत नकाटी रसिद नदिने गरेको सवारी चालकहरू बताउँछन ।

LEAVE A REPLY

Please enter your comment!
Please enter your name here