• 927
  •  
  •  
  •  
  •  
  •  
    927
    Shares

जावेद अन्सारी
बाँके भदौ ३ गते ।

जिल्ला ट्राफिक प्रहरी कार्यालय बाँकेले आर्थिक वर्ष ०७७–७८ मा साढे दुई करोडबढी राजश्व संकलन गरेको छ । ४७ हजार ८ सय ४७ वटा सवारीसाधन कारवाहीबाट २ करोड ७० लाख ६६ हजार ५ सय रुपैयाँ राजश्व संकलन भएको जिल्ला ट्राफिक कार्यालयका प्रमुख राजु भण्डारीले बताउनुभयो ।

यो आर्थिक वर्ष ०७६–७७ को भन्दा झन्डै डेढ करोढले बढी हो । ७६–७७ मा १ करोड २९ लाख ६९ हजार राजश्व संकलन भएको थियो । यो वर्षमा २३ हजार ७ सय ४३ सवारी साधन कारवाहीमा परेका थिए ।

आर्थिक वर्ष ७७–७८ मा २ हजार ७ सय ४५ वटा बस कारवाही गर्दा १५ लाख ४१ हजार, १७ हजार २ सय ९८ ट्रक कारवाही गर्दा १ करोड ३१ लाख, ५ हजार ७ सय ६६ वटा ट्रिपर कारवाही गर्दा ३३ लाख ४३ हजार ५ सय रुपैयाँ राजश्व संकलन भएको छ ।

यस्तै ६ हजार ७ सय १७ जीपकार कारवाही गर्दा ३५ लाख ७२ हजार ५ सय, ५ हजार ४ सय ४१ वटा टेक्टर कारवाही गर्दा २९ लाख ८५ हजार, ८ हजार ७ सय ७ वटा मोटरसाइकल कारवाही गर्दा ४९ लाख ५७ हजार र १ हजार १ सय ७३ अन्य सवारीसाधन कारवाही गर्दा ६ लाख ३६ हजार ५ सय रुपैयाँ राजश्व संकलन भएको छ ।

कुन महिनामा कति राजश्व

ट्राफिक कार्यालय प्रमुख भण्डारीका अनुसार, साउन महिनामा १ हजार ९ सय सवारी साधन कारवाही हुँदा १० लाख ४७ हजार ५ सय रुपैयाँ राजश्व उठेको छ । भदौमा ३ हजार १ सय ७२ सवारीसाधन कारवाहीमा परेका छन् । जसबाट १७ लाख २० हजार राजश्व उठ्यो ।

यस्तै असोजमा ३ हजार ५ सय ४४ सवारीसाधन कारवाहीबाट १९ लाख १४ हजार, कार्तिकमा ४ हजार ६५ सवारीसाधन कारवाही हुँदा २२ लाख ४४ हजार, मंसिरमा ५ हजार ६ सय ५० सवारी साधन कारवाही हुँदा ३० लाख ९३ हजार ५ सय, पुषमा ५ हजार ५० सवारीसाधन कारवाही हुँदा २७ लाख ६३ हजार राजश्व संकलन भएको छ ।

यस्तै माघमा ४ हजार ६ सय ५० सवारीसाधन कारवाहीमा पर्दा २७ लाख ४३ हजार, फागुनमा ५ हजार ५ सय सवारीसाधन कारवाहीमा पर्दा ३५ लाख ४५ हजार, चैतमा ४ हजार ५ सय ५० सवारीसाधन कारवाहीमा पर्दा २६ लाख ४८ हजार राजश्व उठेको छ ।

यस्तै बैशाखामा २ हजार ५ सय ५८ सवारीसाधन कारवाहीमा पर्दा १४ लाख ६० हजार, जेठमा ३ हजार ३ सय सवारीसाधन कारवाहीमा पर्दा १६ लाख ८ सय ५ सय र असारमा ४ हजार २ सय ६५ सवारीसाधन कारवाही गर्दा १२ लाख ५५ हजार राजश्व उठेको पनि प्रमुख भण्डारीले जानकारी दिनुभयो ।

दुर्घटना घट्यो, तर मृत्युदर बढ्यो

आर्थिक वर्ष ०७७–७८ मा सवारी दुर्घटना अघिल्लो आर्थिक वर्ष ०७६–७७ को भन्दा घटेको छ । तर मृत्युदर बढेको तथ्याङकले देखाएको छ । ०७६–७७ मा १ सय ९१ वटा सवारी दुर्घटना भएका छन् । जसमा ७३ जनाले ज्यान गुमाएका छन् ।

२ सय ८० जना घाइते छन् । तर आर्थिक वर्ष ०७७–०७८ मा १ सय ५० वटा सवारी दुर्घटना भएका छन् । जसमा ७७ जनाले ज्यान गुमाएका छन् भने २ सय ८ जना घाइते भएका छन् ।

आर्थिक वर्ष ०७७–७८ मा साउनमा ३, भदौमा ५, असोजमा ७, कार्तिकमा ९, मंसिरमा ५, पुसमा ८, माघमा ४, फागुनमा ९, चैतमा ६, बैशाखमा ८, जेठमा ६ र असारमा ७ जनागरी ७७ जनाले ज्यान गुमाएका छन् ।

प्रमुख भण्डारीका अनुसार, १५ वटा ट्रकटेङ्खर, ५ वटा ट्रिपर, १३ वटा बस, १७ वटा जीपकार, ९ वटा अटो, १ सय १३ वटा मोटरसाइकल दुर्घटना भएका छन् ।

दुर्घटनाका न्यूनिकरणका लागि जनचेतनामुलक कार्यक्रम
सवारी दुर्घटनामा न्यूनिकरण ल्याउन जिल्ला ट्राफिक कार्यालयले विभिन्न सचेतिकरणका कार्यक्रमहरु गर्दै आएको जनाएको छ ।

कार्यालयले आर्थिक वर्ष ०७७–७८ मा राजमार्ग तथा नगरक्षेत्र भित्र १६ थान ट्राफिक सचेतनामुलक होर्डिङ बोर्ड राखिएका छन् । २ सय २१ जना चालकहरुको रक्तचाप तथा आँखा जाँच गरिएको छ ।

३ हजार २ सय ४० जना चालक र परिचालकलाई सवारी दुर्घटनाबारे प्रशिक्षण दिने काम भएको प्रमुख भण्डारीले बताउनुभयो । यस्तै १४ पटक १ हजार ८ सय ३० जना सर्वसाधरण नागरिकलाई दुर्घटना सम्बन्धित जानकारी गराउने काम भएको छ ।

१ हजार ३ सय जनालाई सचेतना सम्बन्धित पर्चा वितरण गरिएको छ । नेपालगन्ज बजार क्षेत्रमा अव्यवस्थित रुपमा पार्किङ गरेका सवारी साधनलाई ह्रिल लक लगाइ कारवाही गरिएको छ । यस्तै कोरोना भाइरस न्यूनिकरणका लागि पर्चा वितरण गर्ने काम समेत सम्पन्न भएका छन् ।

LEAVE A REPLY

Please enter your comment!
Please enter your name here