Home समाचार तस्करबाट प्रहरी निरीक्षकलाई सरुवाको धम्की

तस्करबाट प्रहरी निरीक्षकलाई सरुवाको धम्की

9523

बाँके भदौं १० गते ।
तस्करीका खसी छोड्न नमानेको भन्दै ईलाका प्रहरी कार्यालय धनौली खजुराका इन्चर्ज प्रहरी निरीक्षक बशन्त आचार्यलाई सरुवाको धम्की दिइएको छ ।

आचार्यले केही दिनअघि खजुरा ३ सन्तकुटीबाट ५० वटा खसी नियन्त्रणमा लिएर आवश्यक
कारवाहीका लागि नेपालगञ्ज भन्सार कार्यालयमा बुझाउनुभएको थियो ।

भारतबाट तस्करी गरी भित्राइएको आशंकामा प्रहरीले भदौं ३ गते नियन्त्रणमा लिएका खसी भन्सार कार्यालयमा बुझाएकोमा चैत ४ गते भन्सार कार्यालयले लिलाम गरिसकेको छ ।

सशस्त्र प्रहरीले खसी लैजानदै गरेको अवस्थामा भेटेपछि प्रहरीलाई खबर गरेको थियो । खसी छोडाउन राजनीतिक दबाब दिएको समूहले खसी भन्सारमा बुझाएपछि आवश्यक कागजात देखाउन नसक्दा भन्सारले लिलाम गरेपछि प्रहरी निरीक्षक आचार्यको सरुवा गराउने दावी गर्दै शक्ति केन्द्रको सम्पर्कमा पुगेको श्रोतले जनाएको छ ।

स्थानीय केशव विसीले ति खसी काठमाडौं लैजानका लागि वडा कार्यालयबाट सिफारिस समेत बनाएको पाइएको छ ।
आफुले भने अनुसार खसी नछोडेको भन्दै खजुरा क्षेत्रका नेकपा एमालेका नेताहरुको समूह प्रहरी निरीक्षक आचार्यलको सरुवामा लागेको श्रोतले जनाएको छ ।

प्रहरी निरीक्षक आचार्यले आफुले नियन्त्रणमा लिएको खसीहरु कानून अनुसार भन्सार कार्यालयमा बुझाएको बताउनुभयो ।
कागतपत्र भएको भए भन्सारबाट पनि फिर्ता हुन्थ्यो, आचार्यले भन्नुभयो,– प्रहरीले आप्mनो जिम्मेवारी मात्रै निर्वाह गरेको हो ।

आचार्यलाई सरुवासँगै, कहिले मुद्धा हाल्ने, पत्रकार सम्मेलन गर्ने भन्दै दबाब जारी राखिएको श्रोतले जनाएको छ । आचार्य ११ महिनाअघि इन्चार्जको रुपमा सरुवा भई आउनुभएको हो ।

error: Content is protected !!