• 518
  •  
  •  
  •  
  •  
  •  
    518
    Shares

बाँके भदौ २६ गते ।
नेपाल कम्युनिष्ट पार्टी (एकिकृत समाजवादी)का केन्द्रिय अध्यक्ष माधवकुमार नेपालले क्रान्तिकारी बिद्रोह गर्नका लागि नै नेकपा एकीकृत समाजवादी पार्टीको स्थापना भएको बताउनुभएको छ ।

शनिवार नेपालगञ्जमा आयोजना गरिएको नेकपा एकीकृत समाजवादी पार्टी निकट युवा संघ नेपाल लुम्बिनी प्रदेश भेलाको उदघाटन तथा पिपुल्स भोलियन्टियर घोषणा कार्यक्रमलाई सम्बोधन गर्दै नेकपा एकिकृत समाजवादीका अध्यक्ष नेपालले देशको स्वाधिनता, स्वतन्त्रता र सुरक्षामा आँच आउने कुनै पनि सम्झौता आफ्नो पार्टीलाई स्विकार्य नभएको बताउनुभयो ।

एमसीसी परियोजनाले नेपालको स्वाधिनता, सुरक्षा स्वतन्त्रता र सार्वभौमसत्तामा कुनै पनि प्रभाव नपार्ने कुरामा विश्वस्त नभएसम्म स्वीकार नगरिने बताउनुभएको छ ।
नेपालले आफ्नो दल र आफूहरुले देशको सुरक्षामा आँच आउने कुनै पनि सम्झौताको समर्थन नगर्ने बताउनुभयो । ‘हामीले एमसीसीका उपाध्यक्षलाई प्रष्टसँग भनेका छौंं, कि यो परियोजनाले नेपालको स्वाधिनता, सुरक्षा स्वतन्त्रता र सार्वभौमसत्तामा कुनै पनि प्रभाव पार्ने छैन भन्ने कुरामा विश्वस्त नभएसम्म स्वीकार नगरिने बताउनुभयो ।

उहाँले देशमा पाँच दलको वाम लोकतान्त्रिक गठबन्धन र केपी ओलीको एमाले, राप्रपा लगायतको दक्षिणपन्थि गठबन्धन गरेर दुईवटा गठबन्धन रहेको जनाउँदै उहाँले दक्षिणपन्थीहरु विस्तारै विलाएर जाने दाबी गर्नुभएको छ ।

नेपाल र नेपाली जनताको हितमा रहने सबै प्रकारका अन्तराष्ट्रिय सन्धि सम्झौताहरुको सम्मान गर्दै आएको र गर्ने जनाउँदै उहाँले कुर्सी र सत्ताका लागि जे पायो त्यही गर्ने काम आफूहरुबाट नहुने जिकीर समेत गर्नुभयो । संविधान, व्यवस्था र संघीयता समाप्त गर्ने षडयन्त्र गरिएपछि सो जोगाउन बनेको पाँच दलको वाम लोकतान्त्रिक गठबन्धन आगामी निर्वाचन र त्यसपछि पनि कायम रहने बताउनुभयो ।

विदेशीसंग लम्पसार भएर आफू सत्तामा टाँसिरहनका लागि एमाले अध्यक्ष केपी ओलीले दुई पटक प्रतिनिधिसभा भंग गरेको आरोप लगाउँदै अध्यक्ष नेपालले ओलीले संघीयता समेत समाप्त पार्ने षडयन्त्र गरेको बताउनुभयो । नेकपा एमाले केपी ओलीको निजी कम्पनीमा परिणत भएपछि आफूहरुले नेकपा एकिकृत समाजवादी गठन गरेको जनाउँदै अध्यक्ष नेपालले यो पार्टीको गठनसंगै देशभरी नयाँ तरंग फैलिएको समेत दाबी गर्नुभयो ।

कार्यक्रम युवा संघ नेपालका लुम्बिनी प्रदेश अध्यक्ष किशोर थापाको अध्यक्षतामा भएको थियो।

कार्यक्रममा युवा संघका केन्द्रिय अध्यक्ष नरेशकुमार शाही, पूर्वमन्त्री दलबहादुर सुनार,लगायत केन्द्रिय सदस्यहरुले पनि एकिकृत समाजवादी पार्टी देशकै ठूलो पार्टी बन्ने बताउनुभएको थियो ।

LEAVE A REPLY

Please enter your comment!
Please enter your name here