• 255
  •  
  •  
  •  
  •  
  •  
    255
    Shares

बाँके भदौ २९ गते ।
बाँकेको राप्ती सोनारी स्थित गाभरमा मान्छे खाएको बाघलाई नियन्त्रणमा लिने तयारी थालिएको छ । मान्छे खाएका दुईवटा बाघले बस्ती नै नछाडेपछि आज विहानैदेखि निगरानीका लागि हात्ति परिचालन गरिएको छ ।

आइतवार सम्साँझै सडक छेउमा हिडिरहेका स्थानीय होटलमा कार्यरत मजदुरलाई उठाएर लगेको बाघ सडकदेखि करिव पाँच सय मिटरको दुरीमै छ । दुईवटा बाघले घटनास्थल नछाडेपछि निकुञ्ज र स्थानीय प्रशासनको पहलमा ति बाघको निगरानीका लागि आज विहान दुई वटा घरपालुवा हात्ति परिचालन गरिएको हो ।

हात्तिदेखि बाघ डराउने भएकाले हात्ति परिचालन गरिएको निकुञ्जले जनाएको छ । सडकमा सेनाको गस्ति बढाइएको छ । बाँके राष्ट्रिय निकुञ्जका प्रमुख संरक्षण अधिकृत श्यामकुमार साहले हात्तिसहितको प्राविधिक टोलीले बाघको अनुगमन गरिरहेको बताउनुभयो ।

बाघको निगरानीका लागि प्राविधिक टोलीले सो क्षेत्रमा क्यामेरा जडान गरिरहेको भन्दै उक्त क्यामेराबाट बाघलाई ‘ट्रापिङ’ गरि पुरानो बाघ हो वा नयाँ बाघ हो भनेर ‘रेकर्ड आईडी’ म्याच गरिने उहाँले बताउनुभयो ।

स्थानीयबासीले गएराती पनि बाघ कराएको बताएका छन् । मान्छे मारेका दुई बाघ राजमार्ग नजिकै गाभरको भट्टी खोला किनारमै रहेकाले स्थानीय प्रशासनले साँझ ७ बजेदेखि विहान ६ बजेसम्म कोहलपुर–शिवखोला खण्डमा पैदल, साइकल, अटो र मोटरसाइकल संचालनमा रोक लगाएको छ ।

उज्यालोमा भन्दा बाघले झुसमुसे साँझमा र सूर्योदय तथा आसपासको समयमा बढी जसो सिकार गर्ने हुँदा साना गाडी रात्रिकालीन समयमा चलाउन प्रतिबन्ध लगाइएको स्थानीय प्रशासनले जनाएको छ ।

LEAVE A REPLY

Please enter your comment!
Please enter your name here