•  
  •  
  •  
  •  
  •  
  •  

ताहिर शेष
बाँके भदौ २९ गते ।
मान्छेहरु कति लापरवाही गर्छन त्यसको उदाहरण खोज्न टाढा जानु पर्दैन् । नेपालगन्जको तरकारी मण्डीमा गए पुग्छ। सडक नै कब्जा गरेर उनीहरुले तरकारी पसल थापेका छन् ।

नेपालगन्जको तरकारी मण्डीका ब्यवसायीहरूले ट्राफिक नियमलाई लत्याउँदै सडक नै अवरुद्ध हुनेगरि दादागिरी शैलीमा बाटोमै तरकारी पसल सञ्चालन गर्दै आएका हुन ।स्थायी तरकारी मण्डी हुँदाहुँदै पनि तरकारी ब्यवसायीहरूले ट्राफिक नियमको अटेरीगरि बाटोमा नै नियम बिपरित पसल सन्चालन गर्दा दिनँहु सवारी साधन जामले गर्दा आवत जावत गर्ने सर्वसाधारणलाई कठिनाई हुने गरेको छ ।

ऐतिहासिक नगरी नेपालगन्जको मुटु मानिने त्रिभुवन चौक देखि पुर्ब करीब ३०० मिटर दुरीमा रहेको रानीतलाउ बोटिङ बिहार पार्क स्थित तरकारी मण्डी अवस्थित छ । तरकारी मण्डिका व्यवसायीहरू नियम विपरीत सडकमा नै तरकारी पसल सञ्चालन गर्दा त्यो बाटो भएर आवतजावत गर्नेलाई समस्या उत्पन्न भएको छ ।

नेपालगंज उप महानगरपालिक वडा नम्बर ८ स्थित रानीतलाउ तरकारी बजारका व्यवसायीहरूले दादागिरी शैलीमा बाटो नै अवरुद्ध हुनेगरि पसल सञ्चालन गर्दा आवतजावतमा कठिनाइ हुनुको साथै सवारी साधन अवरुद्ध भई दैनिकी दुर्घटना हुने गरेको बताइएको छ । रानीतलाउ तरकारी मण्डिको उपयुक्त व्यवस्था हुँदाहुँदै पनि अटेरी गरी ट्राफिक नियमलाई लत्तियाउँदै खुलेआम ददागिरी शैलीमा सडक बाटोमै ठेला, सञ्चालन गर्दै आएपनि स्थानीय निकाय, प्रहरी प्रशासन मौन रहेको स्थानीयहरुको गुनासो रहेको छ ।

तरकारी मण्डि नजिकै रहेको हनुमान मन्दिर र लक्ष्मी नारायण मन्दिरमा दर्शन गर्न आउने जाने भक्तजनहरुलाई सडक जामका कारण आवतजावतमा सास्ती खेप्नु परेको छ ।

सडक जामका कारण पुजाआर्जन गर्नका लागि आवतजावतमा कठिनाइ समेत उत्पन्न हुने गरेको मन्दिर दर्शनार्थी कृष्णा शर्माले बताउनुभयो ।

सोही तरकारी मण्डिमा ट्राफिक नियमको खिल्ली उढाउँदै दिनहुुँ सवारी साधनलाई सडकमै राखेर लोड अनलोड गर्दा बाटो अवरुद्ध हुने गरेको पाइएको छ ।

जबकि ट्राफिक नियम अनुसार राती १० बजेपछि मात्र गाडी लोडअनलोड गर्ने व्यवस्था रहेको ट्राफिक प्रहरीको भनाई छ ।

दैनिकी ट्रकबाट सड़क मै तरकारी लोडअनलोड गर्दा सड़क अवरुद्ध भई अन्य सवारी साधनलाई दुर्घटना निम्तियाउन सक्छ । स्थानीय प्रशासनको समयमा नै यस तर्फ आँखा पुगेन भने कुनै दिन सडक अवरुद्धका कारण ठूलो दुर्घटना हुन सक्छ ।

त्यसैले समयरही स्थानीय निकाय, ट्राफिक प्रहरी लगायत सबै सरोकारवालाको यस तर्फ ध्यान जान जरूरी रहेको देखिएको छ ।

त्यहा वडा कार्यालय नजिकै छ । तर वडा नम्बर ८ का वडाअध्यक्ष सुरेन्द्र गुप्ताले भने यसमा कुनै ध्यान दिएका छैनन् । जस्का कारण स्थानीय रुष्ट बनेका छन् ।

LEAVE A REPLY

Please enter your comment!
Please enter your name here