• 1.6K
  •  
  •  
  •  
  •  
  •  
    1.6K
    Shares

बाँके असोज ६ गते ।
नेपालगन्जका होटेलमा खुलेको क्यासिनो अबैधरुपमा संचालन भइरहेको पाइएको छ । नेपालगञ्जको होटेल सोल्टी र सिद्धार्थ भ्यु को क्यासिनो पछिल्लो समय नेपालीहरुको जुवाखाल बनेका छन् ।

प्रहरीको सेटिङमा यी क्यासिनो जुवाखाल बनेका हुन् । नेपालीलाई क्यासिनोमा प्रवेश बन्द गरिएपनि प्रहरीको सेटिङमा नेपालीहरु प्रवेश गर्ने गरेको प्रहरीकै अधिकारीहरु बताउँछन् ।

भारतीय पर्यटकहरुलाई लक्षित गरेर खोलिएका यस्ता क्यासिनोमा नेपालीहरु भारतको आधार कार्ड देखाएर प्रवेश गर्ने गरेको एक जुवाडेले अनलाइन खोजखवरलाई बताए । यस्ता जुवाडेहरुले भारतबाट आधार कार्ड झिकाउने गरेको समेत बताइएको छ ।

प्रहरीले उक्त कार्यलाई गैरकानुनी भने पनि यो कार्य भने प्रहरीकै सहजिकरणमा भइरहेको बताइन्छ । प्रहरीको मिलोमतोमा जुवाडेहरु समूह बनाएर घर–घरमै जुवा खेल्न थालेका छन् ।

बाँकेका एसपी श्यामकृष्ण अधिकारीको क्यासिनोका नामुद एजेन्टहरूसँग उठबसको प्रमाण बाहिरिएपछि प्रहरीको संलग्नता पुष्टि भएको छ । उनी बाहिर रूपमा पारदर्शी देखिएपनि आन्तरिक रूपमा ठुलै चलखेलवाला एसपी भएको पनि यसले प्रमाणित गरेको छ ।

नेपालगन्जको सोल्टी होटलमा रहेको ‘माजोङ’ मिनि क्यासिनोका एजेन्ट झापाको मेचीनगर–६ काँकडभिट्टाका सुजित तामाङसँग एसपी अधिकारी एउटै सोफामा बसेर खिचेको तस्विर सामाजिक संजालमा भाइरल भएको थियो ।

सोफा अगाडि रहेको टेबुलमा कालो प्लाष्टिकले बेरेको अवस्थामा ब्रान्डेड रक्सी र मोबाइल सहित अधिकारी र तामाङको तस्विर सार्वजनिक भएको थियो । नेपालको क्यासिनोहरुमा मात्र होइन, भारतीय क्यासिनोहरुमा समेत उनले जुवाडेहरु पठाउने गर्छन्।

LEAVE A REPLY

Please enter your comment!
Please enter your name here