• 250
  •  
  •  
  •  
  •  
  •  
    250
    Shares

बाँके असोज ११ गते ।
नेपालगन्जमा विग्रीएका सिसिक्यामेरा मर्मतको काम सुरु भएको छ । नेपालगन्ज उपमहानगरपालिका, जिल्ला प्रशासन कार्यालय र जिल्ला प्रहरी कार्यालयको संयुक्त पहलमा विग्रीएका क्यामेरा मर्मतको काम आजदेखि सुरु भएको हो ।

एक महिना अघि त्रिभुवन चोकमा अढाइ वर्षीया बालिकाको मोटरसाइकलको ठक्करबाट मृत्यु भएको थियो । ठक्कर दिने मोटरसाइकलको अहिलेसम्म पहिचान भएको छैन् ।

त्रिभुवन चोकको सिसिक्यामेरा विग्रीएका कारण प्रहरीलाई ठक्कर दिने मोटरसाइकल पहिचानमा समस्या भएको हो । स्थानीयले विग्रीएका सिसिक्यामेरा मर्मतका लागि आन्दोलन नै गरेपछि स्थानीय सरकार तथा प्रहरी प्रशासन सक्रिय भएका हुन् ।

नगरको शान्ति सुरक्षाका लागि भन्दै करिव ५ वर्ष अघि ५४ वटा सिसिक्यामेरा जडान भएका थिए । ती मध्ये हाल २२ वटामात्रै चालू अवस्थामा छन् ।

बाँकेका प्रहरी प्रवक्ता मधुसुदन न्यौपानेले विग्रीएका सिसिक्यामेरा मर्मतको काम सुरु भइसकेको अनलाइन खोजखबरलाई जानकारी दिनुभयो ।

उहाँले मर्मतका लागि प्राविधिकको टोली परिचालन भइसकेकाले बन्ने जति सबै मर्मत गरिने जानकारी दिनुभयो ।

LEAVE A REPLY

Please enter your comment!
Please enter your name here