नेशनल प्याप्सनले गर्‍यो शिक्षकलाई सम्मान

20

बाँके पुस २८ गते ।
नेशनल प्याप्सनले खजुरा गाउँपालिकाका १२ जना शिक्षक, शिक्षिकालाई सम्मान गरेको छ । नेशनल प्याप्सनको २४औं स्थापना दिवशमा प्याप्सन खजुराले शिक्षक शिक्षिकालाई सम्मान गरेको हो ।

गत मंगलबार खजुरामा आयोजित कार्यक्रममा पालिका भित्र रहेका संस्थागत विद्यालयका शिक्षक,शिक्षिकालाई सम्मान गरिएको थियो ।

संस्थाका अध्यक्ष कृष्ढा भण्डारीको अध्यक्षतामा संचालन भएको कार्यक्रममा खजुरा गाउँपालिका शिक्षा शाखा प्रमुख खगेन्द्र मल्लको प्रमुख आतिथ्यता रहेको थियो । अध्यक्ष, प्रमुख अतिथिलगायतले शिक्षक, शिक्षिकालाई सम्मान गरेका हुन् ।

त्यस्तै कार्यक्रममा धुर्वतारा बोर्डिङ स्कुलका प्रध्यानाध्यापक प्रदीप खनालको उपचारका लागि पनि आर्थिक सहयोग गरिएको छ । विभिन्न विद्यालयस्तरबाट संकलन गरिएको २९ हजार रुपैयाँ खनाललाई प्रदान गरिएको थियो ।

कार्यक्रममा शाखा प्रमुख मल्लले विद्यालयका शिक्षक शिक्षिकाको मनोवल बढाउन प्रोत्साहन कार्यक्रमले सहयोग पुग्ने बताए ।

उनले सबै विद्यालयका शिक्षक, शिक्षिकालाई शिक्षाण शिकाई तालिम प्रदान गरेर शिक्षामा गुणस्तर बढाउन लाग्नु पर्ने बताए ।