•  
  •  
  •  
  •  
  •  
  •  

खोजखबर संवाददाता

बाँके असार २५ गते । स्टिंग अपरेशनमा रहेका एभि न्यूजका ३ पत्रकार माथी होटल बाटिकाका कर्मचारीले कुटपिट गरेका छन् । सेनामा भर्ना दिन्छु भनी लाखौं रकम खाएको विषयमा स्टिंग अपरेशनको लागि समाचार संकलनका लागि नेपालगञ्जको बाटिका होटलमा गएका तिन पत्रकार माथि कूटपिट भएको हो ।

नेपालगञ्ज सूर्खेत रोडमा रहेको बाटिका होटलमा स्टिंग अपरेशन समाचार संकलनको लागि भिडियो बनाउने क्रममा होटलका ३ जना कर्मचारीले पत्रकार माथि कुटपिट गरेका छन भने प्रहरी घटनास्थलमा पुग्दा कुटपिट गर्ने एक जना भागी सकेकोले दुई जना कर्मचारीलाई प्रहरीले पक्राउ गरी जिल्ला प्रहरी कार्यालय लगेको छ । कुटपिट गर्ने क्रममा एभिन्यूजका पत्रकार दुर्गा रोकायको सर्टको ३ वटा बटन छैन भने सर्ट हल्का च्यातिएको छ ।

पत्रकार रोकायलाई घिसारेकोले पेन्टमा समेत माटो र हिलो लागेको छ ।

अनुमति बिना भिडियो किन बनाएको भन्दै होटल बाटिकाका कर्मचारी पत्रकारमाथि जाइइ लाग्दै क्यामरामा रहेको मेमोरी कार्ड समेत ती कर्मचारीहरुले आफ्नो कब्जामा लिएका छन् ।

केहि दिन अघि भारतीय गोर्खा सेनामा भर्ना गराई दिने भनी ३८ लाख १० हजार रकम लिएको आरोपमा ७ जनालाई प्रहरीले कारवाहि समेत गरेको थियो । होटल बाटिकामा भारतीय सेनामा भर्ना गराई दिने भनी लाखौं रकमको चलखेल भएको र सोको स्टिंग अपरेशन गर्दै भिडियो बनाइएको भन्दै भिडियो बनाउँदा एभिन्यूजका पत्रकारमाथि एक्कासी कुटपिट भएको कुटाई खाने ती ३ पत्रकारले बताए ।

कुटपिट गर्ने ती कर्मचारीलाई कारवाही गर्नु पर्छ भन्ने पत्रकारहरुले माग गरेका छन ।

1 COMMENT

LEAVE A REPLY

Please enter your comment!
Please enter your name here